कैलालीको धनगढीस्थित सेती प्रादेशिक अस्पतालको व्यवस्थापन समितिको अध्यक्षमा नयाँ नेतृत्व आएको करिब डेढ बर्ष भएको छ । डेढ बर्षको अवधिमा अस्पतालले दिने स्वास्थ्य सेवा, प्रवाह,गुणस्तरीयताको बिषयमा अस्पतालका अध्यक्ष नरबहादुर शाह ‘निर्मल’को विचार निशाना न्युजले प्रस्तुत गरेको छ । मेरो नेतृत्व आईसकेपछि हामीले धेरै गुणत्मक विकास गरेका छाँै । अस्पतालको सेवा प्रवाह विगतकोभन्दा दुई गुणाले अघि बढेको छ भने भौतिक संरचना पुनः निर्माणदेखि सुशासनमा देखिने गरि काम भइरहेको छ । बिगतमा जनतालाई असहज महसुस हुने गरेको थियो भने अहिले सहज हुने काम गरेका छौँ ।

काउन्टरमा हुने भीडभाडको अन्त, अपाङ्ग अशक्तका लागि छुट्टै काउन्टर निर्माण गरि सेवा प्रवाहलाई व्यवस्ति बनाएका छाँै । आठ बजे काउन्टर खुल्ला गर्ने व्यवस्थासँगै ओपिडी र ल्याब सेवालाई विस्तार गरेका छौँ । इमरजेन्सीमा हुने भिडको अन्त्य गरेका छौँ । जस्का लागि अलग वार्ड निर्माण गरेका छाँै भने सर्जरी वार्ड र ओटीलाई पनि विस्तार गरेका छौँ । अप्रेशन गर्न समस्या, इमरजेन्सीमा समस्या थियो यी यावत समस्याको पनि हल गरेका छौँ । अप्रेशन गर्न आउने बिरामीले बाहिर कुर्नु पर्ने ढिला सुस्तीका कारण बिरामीले प्राइभेट क्लिनिकमा गएर महङ्गोमा उपचार गर्नु पर्ने बाध्यता थियो । त्यस्को पनि अन्त गरेका छौँ ।

यस्का लागि पनि छुट्टै वार्ड निर्माण गरि सेवालाई प्रभावकारी बनाएका छौँ । कर्मचारीका लागि पोशाक भत्तासँगै जनशक्तीको पनि राम्रो व्यवस्थापन गरेका छौँ । अहिले हामीले अस्पतालको विकासका लागि फिउचर प्लानिङ्ग सोच्दै छौँ । फिडर लाइनका लागि पहल चालेका छौँ । यस्का लागि विद्युत प्राधिकरण काठमाण्डाँै र उर्जा मन्त्रालयमा पहल चालेका छौँ । अस्पतालको लालपुर्जा ८४ वर्षपछि मेरै नेतृत्वमा हासिल गरेका छौँ । यत्रो बर्ष हुदा पनि अस्पतालको लालपुर्जा थिएन । कैलालीको उर्मामा अस्पतालको सेवा विस्तारका लागि बैकल्पिक जग्गाको व्यवस्थापन गरेका छाँै । अस्पताल क्षेत्र लो ल्याण्ड भएकाले बर्खायाममा डुबान हुने हुँदा हामीले ट्रेन बनायर पानीको निकास गर्न स्टमेट तयार गरेका छौँ । जस्ले गर्दा डुबानको समस्या अन्त होस् । व्यवस्थित क्यान्टिन,बिरामीका लागि कुरुवा घर, क्याबिन निर्माण ,फिडर लाईन जडान हाम्रो फिउचर प्लानिङ्ग हो । ल्याबको रिपोटलाई म्यासेज आउने सफटवयरको विकास गर्न लागेका छौँ । टोकन सिस्टमलाई पनि विकास गर्दै मोर्डन तिर लग्ने योजना छ । अस्पतललाई पूर्ण रुपमा आधुनिकरण गर्दै अघि लग्ने कुरामा हामी एक मत छौँ । पहिला जलेका बिरामीको उपचार थिएन त्यस्का लागि केही बेड बिस्तार गरी वार्ड छुट्याएर उपचार विस्तार गरेका छौँ । पछि गएर क्यान्सर लगायततका अन्य रोगका डिपार्ट छुट्याएर उपचार सेवा विस्तार गरेर अघि बढ्ने सोचाइ छ । पहिलाको भन्दा अहिले अस्पतालको सरसफाईमा ध्यान दिने परिपाटीको विकास गरेका छौँ ।

नयाँ भवनमा सम्पूर्ण सेवा सार्ने तयारीमा जुटेका छौँ । आईसियु,सिटी स्क्यान एमआरआई जडान भईरहेको र केही दिनमा सञ्चालनमा आउदै छ । लगभग ६ महिना भित्र सेती प्रादेशिक अस्पताललाई सुविधा सम्पन्न अस्पताल बनाएर छोड्ने लक्ष्य हामीले लिएका छौँ । यस्का लागि प्रदेश केन्द्र र स्थानीय सरकारसँग कोडिनेशन गरिरहेका छौँ । अहिले जनतालाई अनुभूति हुने गरी गुणस्तरीय सेवा दिन अस्पताल सफल भएको छ । यस अस्पतालमा बिकट क्षेत्रका जनतालाई समेत उपचारमा सजिलै पहुँच प¥याउन हामी काम गर्दै छौँ । छिटो समयमा हामी पुरा गर्ने छाँै । अबका दिनबाट यस अस्पतालबाट हाइ सेन्टरमा बिरामीलाई रेफर गर्न नपरोस र अन्तिम गन्तव्य यो अस्पतालाई बनाउन हामी दिनरात काम अघि बढाएका छौँ । २७ लाख जनताको यो अस्पताल होस मैले अठोट गरेको छु । यो अस्पताल जनताको अस्पतालको रुपमा विकास नहुँदा सम्म काम निरन्तर अघि बढि राख्नेछ । हामी सबैसँग छलफल गर्दै अघि बढेका छौँ । छोटो समयमा नै गुणस्तरीय सेवा दिएर सबैको साझा अस्पतालमा परिणत गर्ने लक्ष्य छ । अहिले लक्षीत समुदायका लागि सामुदायिक सेवा इकाईबाट दश हजार सहयोग र औषधीहरु सस्तो मुल्यमा फार्मेसीबाट उपलब्ध हुँदै आएको छ ।