नेपाल राष्ट्रिय कर्मचारी संगठन (निजामती)को केन्द्रीय महाधिवेशन भएको करिव एक वर्ष भएको छ । यस अवधिमा संगठनले अगाडि बढाएका गतिविधि,संगठनको पछिल्लो अवस्थामा केन्द्रीत रहेर संगठनका केन्द्रीय सचिव वलदेव कपाडीसँग निशाना न्युजले गरको कुराकानी प्रस्तुत गरेका छौँ ।

हाल नेपाल राष्ट्रिय कर्मचारी संगठनको अवस्था कस्तो छ ?

कर्मचारी संगठनको अवस्था भन्दा गत वर्ष महाधिवेशन सम्पन्न भएको एक वर्ष भयो । लगभग सबै पदाधिकारी चएन भएका छन् । खुला र समावेशी गरि दुईजना पदाधिकारी चयन गर्न बाँकी छ । गत माघ २० गते संगठनको स्थापना दिवसको अवसरमा सदस्यता नवीकरणलाई डिजिटल बनाएका छौँ । सफ्टवेयर जडान भइसकेको छ । त्यसबाटै सदस्यता नवीकरण,एकिन गर्ने दौरानमा छौँ ।

संगठनको पार्टीप्रति विश्वसनीयता कत्तिको रहँदै आएको छ ?

जुनसुकै संगठनको पार्टीसँग लिगेसी त हुन्छ नै । जत्तिको पार्टी र संगठनको सुमधुर सम्बन्ध हुनुपर्ने हो त्यो छैन् । हामी बैधानिकरुपले कानुन अनुसार दर्ता भएको संगठन हो । यसलाई पार्टीको भातृसंगन भन्न मिल्दैन् । विचारलाई विश्वास गर्ने कुरा फरक हुन्छ । जुनसुकै संगठनको पनि पार्टीमा विश्वास गहिरो छैन् । त्यो हाम्रो पनि छ । यथार्तमा भन्ने हो भने त्यो ग्याप नै छ ।

पछिल्लो समय संगठन सुदृढिकरणको कुरा छ,यस्लाई कसरी अगाडि बढाइ रहुनु भएको छ ?

पछिल्लो समय हाम्रो संगठनको प्रत्येक प्रदेशमा विस्तारित बैठक सम्पन्न भएको छ । संगठन सुदृढ अभियानमा छौँ । जिल्लाका बैठक,पालिकाको सम्मेलनमा केन्द्रीत छौँ । साथसाथै अनलाईन सदस्यता नवीकरणको कुरालाई अगाडि बढाएका छौँ ।

तपाईको कार्यकालमा संगठन निर्माणका लागि कस्ता कस्ता काम भए ?

महाधिवेशन सम्पन्न भएको एक वर्षमा महाधिवेशनमा नमिलेका कुराहरु मिलाउने काम भएको छ । पदाधिकारी चयन,प्रदेश इन्चार्जको जिम्मेवारी तोक्ने काम भएका छन् । केन्द्रीय समितिमा रिक्त रहेका सदस्यलाई पूर्णता दिएका छौँ । १२ जना थप गर्ने कुरा छ । हामीले सिफरिस गरेका छौँ । केन्द्रीय समितिको पूर्ण बैठक बोलाएर त्यसलाई पदपूर्ति गर्ने कुरा छ । सातवटै प्रदेशमा संगठनको विस्तारित बैठक बसेर जिल्लाहरुसँग मिलेर संगठनले नयाँ काम अगाडि बढाएको छ ।

अन्य कर्मचारी संगठन भन्दा यो संगठन चलायमान छ ?

हाम्रो संगठन अन्य संगठनभन्दा चुस्तदुरुस्त र सानो संगठन हो । अन्य संठगनभन्दा हामी चलायमान नै छौँ । संगठनलाई थप चलायमान बनाउँदै अगाडि बढेका छौँ ।