सुदूरपश्चिम प्रदेशको अस्थायी मुकाम धनगढीस्थित ज्ञानुप्लाजा नजिक रहेको मातामनकामना आयुर्वेदिक क्लिनिकले १३ बर्षदेखि आयुर्वेदिक उपचारपद्धतिबाट उपचार दिँदै आएको छ । सो क्लिनिकले विशेषज्ञ डाक्टरहरुबाट पाइल्स,फिस्टुला फिसर, मलद्धारमा हुने सबै रोग र छाला तथा यौनरोग,बाथरोग,पिनास तथा पुरानो बल्झिएका रोगको सरल,सहज बिधिबाट उपचार दिँदै आएको छ । किल्निक प्रति सेवाग्राहीको आर्कषण कस्तो रहँदै आएको छ बिरामीका प्रतिकृया कस्ता रहदै आएका छन यिनै याबत बिषयमा केन्द्रित रहेर मातामनकामनाका निर्देशक दिपक गौतमसँग निशाना न्युजले गरेको कुराकानी प्रस्तुत गरेका छौँ ।

यो अस्पतालले कस्ता खालका रोगको उपचार गर्दै आएको छ ?

अहिले सम्म छाला तथा यौनरोग सम्बन्धी हरेक महिनाको १९ गते डा. बिनोदकुमार मिश्र , हरेक महिना ८ गते र २७ गते पाइल्स फिस्टुला,फिसर तथा पेटरोग सम्बन्धी डां. राजिव घिमिरे ,हरेक दिन ८ देखि १० बजे डा. दुर्गाप्रसाद ढुंगानाले उपचार गर्ने गरिएको छ । त्यस्तै हरेक दिन १० देखि ५ बजे सम्म डा. रोहन रावत र साँझ ५ देखि ७ बजे डा. दुर्गाप्रसाद ढुंगानाले नै उपचार गर्ने गरिएको छ ।

बिरामीको प्रतिक्रिया कस्तो पाउनुभएको छ ?

बिरामीको प्रतिक्रिया एकदमै राम्रो छ । लामो समयदेखि सेवा दिँदै आएका छौँ । एलोपेथिक हाबी भइरहेको अवस्थामा आयुर्वेदिकलाई यहाँसम्म ल्याइपु¥याउनु भनेको जनताको साथ सहयोग भएर नै हो । सेवा सुविधा राम्रै दिएको भएर निजी क्षेत्रबाट भएर पनि यहाँसम्म पुगेका छौँ ।

निको हुने बिरामीको कस्तो प्रतिक्रिया छ ?

हामी कहाँ बिरामी आउने भनेकै बिरामीको माध्यमबाट हो । जसले यहाँ उपचार गर्दा राम्रो भयो भनेर अरुलाई भन्नुहुन्छ र हामी कहाँ नयाँ बिरामी आउनुहुन्छ । आफूलाई सञ्चो हुँदा अरुलाई यहाँ पठाउनु हुन्छ । कैलाली र कञ्चनपुरबाट धेरै बिरामी आउने गरेका छन् । पहाडी सबै जिल्लाबाट पनि प्रत्येक महिना आइरहनु हुन्छ ।

कस्तो रोगका बिरामी बढी आउनुहुन्छ ?

हामी कहाँ सबैभन्दा बढी मलद्धारमा हुने समस्याका बिरामी आउनुहुन्छ । फिष्टुला फिसरका रोगी पनि आउनु हुन्छ । त्यस्तै छाला तथा यौन रोग सम्बन्धि समस्या भएको बिरामी आउने गरेका छन् ।

सेवा विस्तारको आगामी योजना केही छन् ?

बाथ रोगलगायतका लागि पञ्चकर्म सुरु त गरेका छौँ । यसलाई अझ विस्तार गर्ने योजना छ । दीर्घ रोगीका लागि पञ्चकर्म पद्धतिबाट उपचार गर्ने योजनामा छौँ ।

अन्त्यमा केही भन्नुहुन्छ ?

जसरी अहिलेसम्म सबैको साथ सहयोग पाएर यहाँसम्म आइपुगेका छौँ । बिरामीलाई अझैँ सेवा सुविधा दिने योजना छ । सधै भरी सबै साथ सहयोगको अपेक्षा गरेका छौँ ।