दार्चुला- दार्चुलामा जीप दुर्घटना हुदाँ ५ जनाको मृत्यु भएको छ । बुधवार गोकुलेश्वरबाट खलङ्गा आइरहेको से १ ज ५५१ नम्बरको जीप जिल्लाको शैल्यशिखर नगरपालिका–६ उल्लानीमा जीप दुर्घटना भएको हो । दुर्घटनामा परी ४ जना घाइते भएका छन् ।
जीप दुघृटनामा परी ज्यान गुमाउनेमा सबै बझाङका रहेका छन । जिल्लाको बुङगल नगरपालिका ८ का रहेका छन । मृत्यु हुनेमा अन्दाजी ५५ बर्षका पुने बोहरा, अन्दाजी ५० वर्षीय उज्वल बोहरा, अन्दाजी ५५ वर्षीय हिक्मत जागरी ,अन्दाजी ६० वर्षीय रैभान बोहरा र अन्दाजी ५५ बर्षकी रैभान वोहरा, चम्कादेवी वोहरा रहेको जिल्ला प्रहरी कार्यालय दार्चुलाले बताएको छ ।
दुर्घटनामा ज्यान गुमाएका चम्का बोहरा र रैभान बोहरा श्रीमान श्रीमती रहेको जिल्ला प्रहरी कार्यालय दार्चुलाका प्रहरी निरक्षक जगत मगरले बताए । उनका अनुसार उनीहरु गोकुलेश्वरबाट जिल्ला सदरमुकाम आउँदै थिए भने बोहरा परिवार भारत जानलाई घरबाट आएका थिए ।
