धनगढी- कलामा आधारित संवाद शिक्षण विधि विषयक प्रशिक्षण कार्यक्रम सम्पन्न भएको छ । सामाजिक परिवर्तन केन्द्र काठमाडौँको आयोजनामा कैलालीको चिसापानीमा उक्त कार्यक्रम सम्पन्न भएको थियो। कार्यक्रममा कैलारी गाउँपालिकाका ६ विद्यालय र गौरीगङ्गा नगरपालिकाका ६ विद्यालयका गरी २४ जना शिक्षकको सहभागिता रहेको थियो ।
दुई दिन सम्म आवासीय रूपमा सञ्चालन भएको उक्त तालिमको पहिलो दिन नस्कार शाहले सहजीकरण गरेका थिए भने दोस्रो दिन कलामा आधारित संवादको सहजीकरण संस्थाका अध्यक्ष पवन रायले गरेका थिए । तालिमको उद्देश्य बारेमा कार्यक्रम संयोजक कल्पना राना मगरले बताएकी थिइन ।
