काठमाडौं – नागरिक उन्मुक्ति पार्टीले लुम्बिनी र सुदूरपश्चिम प्रदेश सरकारलाई दिएको समर्थन फिर्ता लिने भएको छ। पार्टी अध्यक्षसमेत रहेकी पत्नी रञ्जिता श्रेष्ठसँगको तस्विर सामाजिक संजालबाट सेयर गर्दै पार्टीका संरक्षक चौधरीले अब लुम्बिनी र सुदूरपश्चिम सरकारबाट समर्थन फिर्ता लिने घोषणा गरेका हुन्।
रेशमले महासचिव ठाकुरसिंह थारूलाई साक्षी राखेर पार्टी र सरकार दुवै रञ्जितालाई नै चलाउन दिने आग्रह गरेको कुरा पनि सञ्जालमा लेखेका छन्। तस्विरमा रेशमलाई रन्जिताले जुस खुवाइरहेकी छिन्।
‘हामी छिट्टै लुम्बिनी र सुदूपश्चिम सरकारबाट समर्थन फिर्ता लिन्छौं।’ रेशमले लेखेका छन्। लुम्बिनीमा नाउपाका चार र सुदूरपश्चिममा सातजना प्रदेश सांसद छन्। एक साताअघि मात्र रेशमले रन्जितासँग लामो समयदेखि संवाद नभएको भन्दै उनी अरुबाटै परिचालित भइरहेको बताएका थिए।
