धनगढी । कैलाली र कञ्चनपुर जिल्लाका बिभिन्न स्थानबाट लागु औषध सहीत मानिस प्रकाउ गरेको छ । कैलालीको धनगढी उपमहानगरपालिका ९ मसानघाटबाट २१० मिलिग्राम अबैंध लागूऔषध खैरो हेरोईन जस्तो देखिने धुलो पदार्थ सहित सोही ठाउँ बस्ने बर्ष २५ को दिनेश बोहरालाई शनिबार राती प्रहरीले पक्राउ गरेको छ । जिल्ला प्रहरी कार्यालयकैलालीबाट खटिएको प्रहरी टोलीले शंका लागि चेकजाँच गर्दा निजको साथबाट उक्त पदार्थ फेला पारी आवश्यक प्रक्रिया पुरा गरी, उक्त पदार्थ सहित निजलाई पक्राउ गरेको प्रहरीले जनाएको छ । गोदावरी नगरपालिका २ तेघरीबाट २५० मिलिग्राम अबैंध लागू औषध खैरो हेरोईन जस्तो देखिने धुलो पदार्थ सहित सोही ठाउँ बस्ने बर्ष २५ को बिजय लामालाई शनिबार दिउँसो प्रहरीले पक्राउ गरेको छ । बिशेष सुचनाको आधारमा इलाका प्रहरी कार्यालय मालाखेती,कैलालीबाट खटिएको प्रहरी टोलीले आफ्नै घरकोठामा बसिरहेको अवस्थामा खानतलासी गर्दा निजकोसाथबाट उक्त पदार्थ फेला पारी आवश्यक प्रक्रिया पुरा गरी, उक्त पदार्थ सहित निजलाई पक्राउ गरेको हो ।
कञ्चनपुर,को भिमदत्त नगरपालिका ६ ऐठपुरबाट ०।२२१ मिलिग्राम अबैंध लागू औषध खैरो हेरोईन जस्तो देखिने धुलो पदार्थ सहित सोही ठाउँ बस्ने बर्ष २८ को हरिश जोशीलाई शनिबार दिउँसो प्रहरीले पक्राउ गरेको छ । जिल्ला प्रहरी कार्यालय कञ्चनपुर र लागू औषध नियन्त्रण व्युरो शाखा कार्यालय महेन्द्रनगरबाट संयुक्त रुपमा खटिएको प्रहरी टोलीले शंका लागि चेकजाँच गर्दा निजको साथबाट उक्त पदार्थ फेला पारी आवश्यक प्रक्रिया पुरा गरी, उक्त पदार्थ सहित निजलाई पक्राउ गरेको जनाएको छ ।
त्यस्तै, बेलौरी नगरपालिका ६ बैशाखाबाट १।६५ ग्राम अबैंध लागू औषध खैरो हेरोईन जस्तो देखिने धुलो पदार्थ सहित सोही ठाउँ बस्ने बर्ष २८ को हरिश जोशी धनगढी उपमहानगरपालीका १ बस्ने बर्ष १९ की दिक्षा लामीछाने समेत दुईजनालाई शनिबार राती प्रहरीले पक्राउ गरेको हो । ईलाका प्रहरी कार्यालय बेलौरी,कञ्चनपुरबाट खटिएको प्रहरी टोलीले पैदल हिडिरहेको अवस्थामा शंका लागि चेकजाँच गर्दा निजहरुको साथबाट उक्त पदार्थ फेला पारी आवश्यक प्रक्रिया पुरा गरी,उक्त पदार्थ सहित निजहरुलाई पक्राउ गरेको हो । यस सम्बन्धमा प्रहरीले थप अनुसन्धान गरिरहेको जनाएको छ ।