कैलाली । बिभिन्न स्थानमा डुबेर ४ जनाको मृत्यु भएको छ । कञ्चनपुर,दाङ,रुपन्देहीका स्थानहरुमा डुबेर ४ जनाको मृत्यु भएको हो । बलौरी नगरपालिका ५ भुकुण्डास्थित दोदा नदीमा पौडी खेल्ने क्रममा शनिबार दिउँसो नगरपालिका ७ शान्तिपुरका १७ बर्षिय राजेन्द्र कुँवर,र १७ कै बिजय कुँवरको डुबेर मृत्यु भएको प्रहरीले जनाएको छ । दाङको लमही नगरपालिका ७ बनघुर्सी माइतीघर बस्दै आएकी राजपुर गाउँपालिका २ मटेरिया घर भएकी २० बर्षिया सरिता चौधरीको राप्ती नदीमा नुहाउने क्रममा मृत्यु भएको छ । त्यस्तै रुपन्देहीको बुटवल उपमहानगरपालिका १२ ढवाहा बस्ने पंकज चुदालीको छोरा ८ बर्षिया प्रान्जल चुदालीको सोही ठाँउस्थित निर्माणाधिन घरको खानेपानी टयांकीमा डुबेर शनिबार साँझ मृत्यु भएको प्रहरी जनाएको छ । उनी खेल्ने क्रममा डुबेर अशक्तm उनको स्थानिय ओम मुतिmनाथ पोलिकक्लिनिक नयाँ गाँउमा उपचारको क्रममा मृत्यु भएको जनाएको छ । यस सम्बन्धमा थप प्रहरीले अनुसन्धान गरीरहेको छ ।