धनगढी- पुनर्गठित प्रगतिशील लेखक संघ कैलालीको प्रथम बैठक विभिन्न निर्णय गर्दै सम्पन्न भएको छ ।बिहीबार समितिका संयाेजक ओमप्रकाश पुनको अध्यक्षतामा धनगढीमा बसेको बैठकले विभिन्न निर्णय गरेको छ ।
प्रलेसका केन्द्रीय सदस्य तिलकबहादुर सिंह र जिल्ला इन्चार्ज काेपिला शर्माको बिशेष उपस्थितिमा बसेकाे बैठकले प्रगतिशील लेखक संघको जिल्ला कार्यालय स्थापना गर्ने,जिल्लाका स्कुल, कलेज र पालिकाहरुमा दिवंगत अध्यक्ष दिपिका विवश भट्टको सम्झनामा प्रतिभा प्रस्तुति कार्यक्रम सञ्चालन गर्ने र त्यस द्वारा संकलित रचनाहरु प्रकाशन गर्ने,सबै पालिकामा प्रलेसका शाखा संगठन निर्माण गर्ने र पहिला जिल्ला र त्यसपछि पालिका स्तरमा रचना लेखन तथा वाचन कला प्रशिक्षण तथा तालिम सञ्चालन गर्ने निर्णय गरेको संयाेजक ओमप्रकाश पुनले जानकारी दिए ।
त्यस्तै बैठकले जिल्ला र पालिकामा सबै लेखक, साहित्यकार र कलाकारलाई सहभागी गराई अन्तरक्रिया र बिचार गाेष्टी गर्ने,आदिवासी जनजाति र दलित साहित्यका बारेमा पनि एकल र संयुक्त लेखन बहस चलाउने,सबै प्रगतिशील लेखकहरुलाई प्रलेसमा आवद्ध हुन अभियान चलाउने,सदस्यता वितरण,नविकरण गर्ने,सुपका सबै लेखक, साहित्यकार र कलाकारहरूको अभिलेखिकरण गर्ने,पुराना सर्जकहरुलाई सम्मान गर्ने,प्रलेसकाे मुखपत्र आयामलाई निरन्तर प्रकाशन गर्ने र आगामी अंक दिपिका स्मारिकाकाे रुपमा प्रकाशन गर्ने निर्णय गरेको उनले बताए।
जिल्ला सम्मलेन आगामी फागुन भित्रै गर्ने गरि तयारी गर्ने,बाल साहित्य लेखन तथा प्रतिभा प्रष्फुटन कार्यक्रम सञ्चालन गर्ने,संगठनलाई व्यवस्थित गर्न एक सल्लाहकार समिति पनि गठन गरिएको पुनले बताए । उनका अनुसार सल्लाहकार समितिमा लक्षीराम आचार्य , रामचन्द्र भट्ट , यज्ञराज भट्ट , बाबुराम आचार्य , जनक रसिक, पुष्करराज भट्ट , जयदेव जाेशी दार्चुले र तुलसी शर्मा रहका छ्न ।
त्यस्तै बैठकबाट संगठन, प्रकाशन, आर्थिक विभाग गठन गर्नुका साथै कार्यालय पनि गठन गरिएको र प्रलेस बिमर्श कार्यक्रम सञ्चालन गर्ने तथा सुदूरपश्चिम प्रज्ञा प्रतिष्ठानकाे ऐन संशोधन गर्न पहल गर्ने निर्णय पनि गरेको छ पुनले जानकारी दिए ।
