स्वावलम्बी महिला साना किसान कृषि सहकारी संस्था लिमिटेड चुरे, ५ कैलालीको स्थापना २०७४ सालमा भयो । ३१ जनाको समुह बनाइ मासिक २ सय रुपैया जम्मा गरी ६ हजार २ सय पूँजीबाट सुरु भएको सो सहकारीको हालको पुजी १ करोड ४० लाख छ । शेयर पुँजीमात्रै २० लाख छ । ६ बर्षसम्म सो सहकारीको अध्यक्ष भई काम गरिराख्नु भएकी शान्ति बोहरासँग सहकारीले के कस्ता क्षेत्रमा काम गरेको छ ,लगानी कुन क्षेत्रमा भइरहेको छ भन्ने यावत बिषयमा निशाना न्युजले उनको विचार प्रस्तुत गरेको छ ।
सहकारीले हाल २५ वटा समुह वनाइ कृषि क्षेत्रमा लगानी गरि कृषकको पक्षमा काम गरिरहेको छ । कृषकले उत्पादन गरेका तरकारी सहकारीले खरिद गर्छ । यसरी खरिद गर्दा कृषकलाई पनि झन्झट हुँदैन् । कृषकलाई सहज भएका छ । तरकारी खेर जादैन् ।
गत वर्ष ४० टन तरकारी बेचेका थियौँ । यस वर्ष जिआइजेट र ग्रेभ परियोजनाले कृषकलाई बीउबिजन झोलमोल बनाउने तालिम दिएकाले पनि असी टन तरकारी बेच्ने लक्ष्य लिएका छौँ । सिजनमा तरकारी उत्पादन धेरै हुन्छ । मुल्य घट्नाले कृषकलाई समस्या हुन्छ । तर पनि हामीले कृषकले उत्पादन गरेरको तरकारी खेर जान दिदैनौँ ।
सहकारीले कृषकबाट खरिद गरेका तरकारी अत्तरिया,धनगढी,महेन्द्रनगर,टीकापुर पहाडी क्षेत्र बैतडी,बझाङ र बाजुरासम्म माग अनुसार पठाउने गरेका छौँ । सिजनमा एक कृषकले एक क्विन्टल भन्दा बढी तरकारी उत्पादन गर्ने गरेका छन् । एक सय १५ कृषकले राम्रो उत्पादन गर्ने गरेका छन् भने अन्य छिटपुट ३ सय जना छन् ।
बेसिजनमा टमाटर,आलु,काउली,बन्दा,काक्रा उत्पादन गर्ने गरेरका छन् । कृषकले उत्पादन गरेका तरकारीलाई खरिद गर्न संस्थाले गाउँमा समिति बनाएको हुन्छ । सोही अनुसार तरकारी बजारसम्म पुरयाउन सहज भएको छ । गत वर्ष मात्रै तरकारी खरिदबाट काम गर्नेलाई पारिश्रमिक दिएर सहकारीलाई ६० हजार फाइदा भएको थियो । यो वर्ष काफल पनि खरिद गरिरहेका छौँ । त्यसबाट ५० देखि ६० हजारसम्म फाईदा हुन्छ होला ।
सहकारीले विपन्न परिवार,एकल महिलालाई ५० वटा बाख्रा भेटेरिनरीको समन्वयमा अनुदान वितरण गरेको छ । युवा स्वरोजगार विकास कोषबाट ५० लाख ऋण लिएर बाख्रा खरिदका लागि वार्षिक ५ प्रतिशत व्याजमा २५ जना कृषकलाई दुई लाखका दरले ऋण दिएका छौँ । उनीहरुले बाख्रा खरिद गरि राम्रै आम्दानी गरिरहेका छन् । ३ महिनामा १० हजार किस्ता र मासिक व्याज बुझाउने गरेका छन् । ऋण पाँच वर्षभित्र तिरी सक्नु पर्ने हुन्छ । अन्यलाई ऋण दिदैनौँ । शेयर सदस्यलाई मात्रै ऋण दिन्छौँ । कृषि,व्यापार र उद्यमशीलमा काम गर्नेलाई ऋण दिने गरेका छौँ ।
