सुदूरपश्चिम ईन्टरनेशनल डायलासिस सेवा नवजीवन अस्पताल धनगढी–४ मा अन्जना तन्डुकार डायलासिस ईन्चार्जको रुपमा २०७९ जेठमा नियुक्त हुनुभयो । बिगत काठमाडौँको नेशनल किड्नी सेन्टरमा समेत काम गरि अनुभव सम्हाली सकेकी तन्डुकारसँग सुदूरपश्चिममा डायलासिसको अवस्था बिरामीको चाँपलगायतका यावत बिषयमा उनको विचार निशाना न्युजले प्रस्तुत गरेको छ ।
सुदूरपश्चिम ईन्टरनेशनल डायलासिस सेवाको स्थापना २०७९ जेठमा भयो । पहिलो डायलासिस श्रावण महिनाबाट शुरु ग¥यौँ । आजसम्म हामीले २ सय ५७ जनाको डायलासिस गरेका छाँै ।
पहिलो फेजमा ज्वरोले अन्य ईन्फेक्सनका कारण किड्नीमा समस्या भएका बिरामी १५ जना रिकभर भएर गएका छन । अहिले विपन्न नागरिक औषधी कोषबाट सरकारले प्रति बिरामी २ हजार ५ सय दिने गरेको छ । हालसम्म विपन्न बिरामी ३० जनाले सेवा लिइरहेका छन । अहिले हामीसँग मृगौला रोग विशेषज्ञ अर्चन सम्शेर राणा हुनुहुनछ । उहाँ सुदूरपश्चिमकै किड्नी रोग विशेषज्ञ हुनुहुन्छ । उहाँ हरेक महिनाको तेस्रो शुक्रबार आउनुहुन्छ ।
अर्का सिनियर रजिष्टार र सरकारी कोटाबाट खासगरी डायलासिस तालिम लिएर यहाँ आउनु भएका डा मृगेन्द्रकुमार यादव हुनुहुन्छ । हामीसँग तालिम प्राप्त नर्स हुनुहुन्छ । जनशक्तिको अभाव छैन । हाम्रो सेवा चौविसै घण्टा खुल्लै हुन्छ । शुरुमा डायलासिस गर्न आउने बिरामीले शुल्क तिर्नु पर्छ । पछि हामीले डायलासिस गरेको रिपोर्ट बनाउछौँ । निवेदन लेखेर वडालाई पठाउछौँ । वडा अध्यक्षले विपन्न नागरिक प्रमाणित गरेको निवेदन,रिपोटसँगै नागरिकता लिएर पालिका जानुपर्छ । पालिकाका प्रमुख सहित सदस्य बसेर विपन्न नागरिकको प्रमाणित सिफारिस पत्र बिरामीले सुदूरपश्चिम इन्टरनेशनल डायलासिस सेवामा ल्याउनु पर्छ ।
सो सिफारिस हामीले विपन्न नागरिक औषधी कोषमा ईन्ट्री गराउछौँ । नर्सिङ तथा स्वास्थ्य महाशाखाको सफ्टवयर हामीलाई दिएको छ । त्यसबाट बिरामीको कोड दिएको हुन्छ । त्यसमा कोडमा इन्ट्री गरेपछि कति पटक कुन स्वास्थ्य संस्थाबाट डायलासिस गरेको छ भन्ने थाहा हुन्छ । त्यसपछि बिरामीले सहज रुपमा आजीवन डाइलासि गर्न पाउनु हुन्छ । किड्नीको चेक जाँचपछि डायलासिस कति पटक गर्ने भन्ने कुरा फिक्स हुन्छ ।
गत महिनामा मात्रै २ सय ४४ सेशन डायलासिस गरेका छौँ । डायलासिसको लागि ५ वटा मेसिन राखेका छौँ । एउटा मेसिन इमर्जेन्सीका लागि तयारी अवस्थामा छ । हाम्रो सुदूरपश्चिमै आईसीयुसहितको पहिलो डायलासिस सेवा हो ।
