नेबिल बैंक सेन्टर कलस्टर सुदुरपश्चिम अन्र्तगत १७ शाखा रहेका छन् । पहाडी क्षेत्रमा दार्चुला, चैनपुर पञ्चेश्वर, साहिल, बिथरचौड ,डडेल्धुरा आलीताल क्षेत्रमा गरी ७ शाखा छन् भने कैलालीमा ६ र कञ्चनपुरमा ४ शाखाबाट सेवा दिँदै आएका छौ । अछामको २ शाखालाई भने कर्णालीको सुर्खेत सेन्टर कलस्टरले हेर्ने गरेको छ । ९८ प्रतिशत कभर नेबिल बैंक सेन्टर कलस्टर सुदुरपश्चिमबाट नै हुने गरेको छ । पछिलो समय नेबिल बैंकको अवस्थाका बिषयमा नेबिल बैंक सेन्टर कलस्टर सुदुरपश्चिमका प्रमुख अस्मीन बस्नेतसंग निशाना न्युजले कुराकानी गरेको छ ।
पछिल्लो समय नेबिल बैंकको अवस्था कस्तो रहँदै आएको छ ?
ठिकै छ । हामीले पछिल्लो समय नागरिकको सहजताका लागि पहाडी क्षेत्रका स्थानीयस्तर सम्म शाखा बिस्तार गरेका छौं । सरकारको नीति पनि त्यहीनै छ । हामीले नाफालाई मात्र नहेरी नागरिकलाई सेवा प्रदान गर्न पनि हामी लागी परेका छौं । सरकारले समाजिक सुरक्षा भत्ता अन्र्तगत बृद्ध भत्ता, एकल महिला, नाबाल भत्ताका कुराहरु छन यसलाई मध्यनजर गर्दै हामीले स्थानीय स्तरमा शाखा बिस्तारमा जोड दियौं जस्ले गर्दा सबै नागरिकले सेवा सहजरुपमा पाउँदै आएका छन् ।
आर्थिक मन्दीको प्रभाब के छ ?

आर्थिक मन्दीको प्रभाब नपरेको होईन सबै क्षेत्रमा परेको छ । आयात ,निर्यातमा कमी भएको छ । आउने २ महिनामा केही सुधार हुन्छ कि भन्ने बिश्वास लिएका छौं । आर्थिक मन्दीका कारण सबै क्षेत्र बर्गमा समस्या देखिएकोले पनि लोनको माग कम हुँदै गएको छ । तर पनि लोनको डिमाण्ड नभएको त होईन भईरहेको छ । जस्तो पहिला ह्न्थ्यो बर्तमानमा छैन । बिस्तारै सुधार आउला, अहिले याता मात्र नभई राष्ट्रियस्तर सम्म नै समस्या छ ।
लगानी कस्तो क्षेत्रमा गर्दै आउनु भएको छ ?
हामीले सबै क्षेत्रमा लगानी गरेका छौ , ब्यापार, कृषि, साना तथा मझौला उद्योग जस्ता क्षेत्रमा लगानी गरेका छौं । सरकारको नीतिले पनि साना तथा मझौला उद्योग कृषि ब्यापारलाई परमोट गर्न हामीले १ करोड भन्दा साना उद्योग ब्यापार कृषि क्षेत्रमा लगानी गर्दै आएका छौं । साना ब्यबसायलाई बृद्धि गर्न कृषिलाई अलिबढी बृद्धि गर्न यो क्षेत्रमा अलि बढी लगानी गरेका छौं । बढी फोकस साना ब्यवसाय तिर गरेका छौं । हामीले यो कलस्टरमा ९ सय ६० करोड लगानी गरेका छौं । ६ ८० करोड जम्मा छ ।
लगानी गरेको क्षेत्रबाट असुलि सन्तोषजनक पाउनु भएको छ ?
असुलिमा थोरै समस्या त हुने नै भयो । हामीले लोन दिँदा सहि स्थानमा हुन्छ । लोनको सहि सदुपयोग छकि छैन भन्ने कुराको पनि अनुगमन गर्दै जान्छौं । जसका कारण असुलिमा सहजता हुने गरेको छ । लोनको सहि सदुपयोगले मात्र आर्थिक बृद्धिसंगै रोजगारीको पनि बृद्धि हुन्छ । अहिले सम्म लगानी असुलिमा सन्तोस जनक नै छ भनौ ।
बंैक ले अन्य केही कृयाकलाप गरेको छ ?
हामीले बैंकिङ शिक्षा अभिबृद्धि गर्ने क्रियाकलाप गर्दै आएका छौं । सरकारी स्कुलको खेलकुदको बिकासका लागी प्रोग्राम गर्दै आएका छौं । अन्य सामाजिक क्षेत्रमा पनि विभिन्न क्रियाकलापमा सरिक हुँदै आएका छौं ।