कैलालीको धनगढीस्थित केजी हस्पिटल प्रालि संचालनमा आएको करिब ४ बर्ष हुन थाल्यो । सुरुवाती चरण देखि अस्पतालले दिने सेवा ,आगामी योजना सँगै अस्पतालको समग्र बिषयमा जनरल तथा ल्याप्रोस्कोपी सर्जन डा. दीपककुमार सिंह संँग निशाना न्युजका लागि टंक कुँवरले गरेको कुराकानी प्रस्तुत गरेका छौँ ।

पछिल्लो समय तपाइ अस्पतालको प्रबन्ध निर्देशक पनि हुनुहुन्छ अस्पतालले दिने सेवाका बारेमा भनि दिनुहोस न ?
हामीले ४ वर्षदेखि केजी अस्पतालमा सेवा सुरु गरेका छौँ । यो २५ बेडको जनरल अस्पताल हो । मुख्यतया शल्यक्रिया गर्ने बिरामीहरु बढी आउछन् । त्यसै गरी पेट सम्बन्धि समस्याहरु,एपेन्डीसाइड,हर्निया,पत्थरी,युरो सर्जरी,जनरल सर्जरी,हाडजोर्नी सम्बन्धि जतिपनि समस्याहरु छन्, यो सेवा दिदै आएका छौँ । प्रसुति तथा स्त्री रोग,निसन्तान सम्बन्धि सेवाहरु पनि दिँदै आएका छौँ ।

बिरामीको प्रतिक्रिया कस्तो पाउनु भएको छ ?
मैले सुदूरपश्चिममा सुरुमा आउँदा यतिछिटो माया पाउला भन्ने सोचेको थिएन् । हामी कहाँ आएर उपचार गराएर जाने ९९ प्रतिशत बिरामीहरु सन्तुष्ट नै हुनुहुन्छ । केही एकआध प्रतिशत सन्तुष्ट नहुने कुरा स्वभाविक हो । हामीले स्वास्थ्य शिविरहरु पनि स्थानीय तहसँग मिलेर गर्ने गरेका छौँ । यहाँ आउने बिरामी सबै दुख परेर आउँछन् । निसन्तानपनको समस्या भएका बिरामीहरु १० औँ वर्ष उपचार गरेर सन्तान नभएकाहरु यहाँ उपचार गराएर सन्तान प्राप्ति भएर अथवा गर्भवती भएर मिठाइ बाढ्न पनि आएका छन् । सकेसम्म राम्रो सेवा दिने प्रयास गरेका छौँ । अहिलेसम्म सकरात्मक प्रतिक्रिया नै छ ।

केजी अस्पतालको विशेषता के छ ?
हाम्रो अस्पतालमा आएका बिरामीलाई समस्यासँग सम्बन्धित चेकचाँच गराएर सकेसम्म उहाँहरुको कम खर्चमा राम्रो उपचार होस् भन्ने चाहना छ । राम्रो हेरचाहा होस । घरायसी वातावरण पाउन भनेर स्टाफहरुलाई पनि राम्रो व्यवहार गर्नुस् भनेका हुन्छौँ ।

विरामीको सहजताका लागि अन्य केही व्यवस्था छ ?
हामीसँग एउटा फेसबुक पेज छ । त्यो पेजमा जोडिएर बिरामीहरुले केही सल्लाह माग्नु भयो भने दिन मिल्ने सल्लाह दिन्छौँ । यस्तो समस्या भयो कुन औषधी खाने भन्यो भने यो औषधी खानुस् भन्न मिल्दैन्,चेकजाँच बिना औषधी खाने सल्ला दिन मिल्दैन् । खानपिन लगायतका सल्लाह दिन सकिन्छ ।

अन्त्यमा थप केही छ ?
यो सेवामुखि व्यापार हो । सेवा गरेपछि आउने शुल्कले सबै चलेको हुन्छ । तर पनि बिरामीको उपचार गर्दाखेरी आवश्यक चेकजाँच मात्रै गर्ने गरेका छौँ । सेवा शुल्क पनि लगभव सामुदायिक हस्पतालमा जस्तो नै छ । यो सबैभन्दा सस्तो निजी अस्पताल हो ।