मोरङ- मोरङमा वडाध्यक्षले चलाएको कारको ठक्करबाट एक जनाको मृत्यु भएको छ । जिल्लाको बेलबारी ११ का वडाध्यक्ष विक्रम राईले चलाएको बा ९ च ९६७३ नम्बरको कारले ठक्कर दिदाँ एक जना पैदलयात्रीको मृत्यु भएको हो ।
पूर्व पश्चिम राजमार्गको दमकस्थित चिया बगान क्षेत्रमा उनले चलाएको कारले ती र्पैदलयात्रुलाई ठक्कर दिएको थियो। शनिवार साँझ सवा ८ बजे कारको ठक्करबाट मृत्यु भएका व्यक्तिको अहिलेसम्म सनाखत हुन सकेको छैन।
इलाका प्रहरी कार्यालय दमकका अनुसार कारको ठक्करबाट गम्भीर घाइते भएका ती व्यक्तिको उपचारका क्रममा मृत्यु भएको इलाका प्रहरी कार्यालय दमकले जनाएको छ । वडाध्यक्ष राईलाई प्रहरी नियन्त्रणमा लिएको जनाएको छ ।
