२०५६ बैशाख २१ गते स्थापना भएको उदयदेव बहुउदेश्यीय सहकारी संस्था लिमिटेडका ११ वटा शाखा छन् । केन्द्रीय कार्यालय कञ्चनपुरको महेन्द्रनगरमा छ । जसको शेयर सदस्य २४ हजार ६०६ रहेका छन् । कैलालीमा दुई तथा डडेल्धुरा र बैतडीमा एक÷एक तथा कञ्चनपुरमा केन्द्रीय कार्यालयसहित सातवटा शाखाबाट सेवा दिइरहेको छ । संस्थाको अवस्थाका बारेमा शाखा कार्यालय धनगढीका प्रमुख मानबहादुर चन्दको विचारलाई निशाना न्यूजले प्रस्तुत गरेको छ ।
संस्थाको अवस्था भन्नु पर्दा राम्रै रहेको छ । संस्थाको शेयर पूँजी २० करोड रुपैयाँभन्दा बढी छ । आर्थिक क्षेत्रको अवस्था कमजोर भएकोले भविष्यमा केही समस्या हुन्छ की भन्ने छ । नत्र भने त्यस्तो केही छैन । समस्यालाई मध्यनजर गर्दै वित्तीय साक्षरताका कुरा पनि बढाउँदै लगेका छौँ । बचत गर्न सिकाउने, कर्जाको सदुपयोग, कसरी गर्ने, रेमिट्यान्सका कुरा छन्, वित्तीय ज्ञान दिँदै आएका छौँ । हामीसँग बालबालिका बचत खाता पनि छ । हाम्रो संस्थाको हकमा नकारात्मक असर परेको छैन ।
हामीले भरपर्दो सेवा दिँदै आएका छौँ । सदस्यमा विश्वास पैदा हुने काम गरेका छौँ भने सबै सेयर सदस्यसँग दैनिक सम्पर्कमा हुने गरेका छौँ । सेयर सदस्यबाट सुझाव संकलन गरी सोहीअनुसार पोलिसी बनाउँछु । सदस्यलाई जटिल समस्या छ भने संस्थाले सहयोग गर्दै आएको छ । कोरोना कालमा केही समस्या थियो, अहिले छैन । हामीले दिने संस्थागत सेवा, कर्मचारीको व्यवहारबाट प्रभावित भएर सेयर सदस्य थपिन्ने क्रम जारी छ । यो शाखामा मात्र दुई हजार बढी सदस्यहरु रहेका छन् । हामीसँग संरक्षित पूँजी फिर्ता कोष छ, जसबाट सेयर सदस्यले लाभांश लिएका हुन्छन् भने सिधै पैसा खातामा जाने प्रविधियुतm सेवा विस्तार गरिएको छ । संस्थाले सेयर सदस्यको सहजताका लागि मोबाइल बैंकिङ, एटिएम, क्यूआरजस्ता प्रविधिमैत्री सेवा विस्तार गरेको छ । कृषि, व्यापार, घर निर्माण, शिक्षा क्षेत्रमा लगानी गर्दै आएको छ । संस्थाको बिउ प्रशोधन केन्द्र, कष्टम हायरिङ्ग, राइस मिल कञ्चनपुरको भिमदत्त नगरपालिका स्थित १९ नम्बर वडाको बागफाँटा क्षेत्रमा एक बिघा जमिनमा सबै संरचना निर्माण गरेको छ । कष्टम हायरिङ्ग सेवामार्फत् कृषकका खेत जोत्ने, बिउ छर्कने कामलाई प्राथमिकता दिएको छ भने कृषक सेयर सदस्यबाट बजार भाउभन्दा बढीमा धान गहुँ खरीद गर्छाँै र संस्थाले ग्रेडिङ्ग गरेर सो को बीउ कृषकलाई दिने गरेका छौँ । उत्पादन भएका धान गहँु कृषकबाट खरीद गरी संस्थाले आफनै राइसमिलमा चामल तयार गर्छ । यसबाट कृषकलाई फाइदा नै हुन्छ । गत महिना हामीले दुईथरिको उदय देव चामल बजारमा ल्याएका छौँ । २५ केजी चामलको एउटालाई १३२५ रुपैयाँ निर्धारण गरेको छ भने अर्कोलाई १३७५ रुपैयाँ निर्धारण गरेको छ । हामीले सेयर सदस्यलाई इन्करेज गर्न र उनीहरुलाई कृषिमा आत्मनिर्भर बनाउने उद्देश्य संस्थाको रहदै आएको छ । किसान भनेको संस्थाको सेयर सदस्य पनि हो उत्पादन हामीसंग बिक्री गर्नाले सदस्यको आम्दानी बढ्छ । हामीसंग कारोबार गर्नाले उनीहरुलाई बोनस पनि आउने गर्छ ।
हामीले तराइ र पहाडलाई कृषिमा जोडने तयारीमा जुटेका छौँ । यहाँको पूँजी पहाड जाने र पहाडको उत्पादन तराइमा ल्याउने संस्थाको उद्देश्य रहेको छ । कृषकलाई मलखाद, बीउबीजन अपुग हुन नदिन संस्थाले घरमै पुगाउने व्यवस्था गरेको छ । सदस्यको स्वास्थ्य सुविधालाई मध्यनजर गर्दै सुत्केरी महिलाको लागि एक हजार पोषण भत्ता को सुविधा छ भने सदस्यको मृत्यु भएमा १० हजार काजकिरीयाका लागि दिने व्यवस्था छ । महिला सदस्यको श्रीमानको मृत्यु भए ५ हजार र गम्भीर प्रकृतिको रोग लागेको छ भने २० हजारसम्म संस्थाले उपचार खर्च दिने व्यवस्था गरेको छ । महिलाको पाठेघर रोग छ भने ५ हजार, गाइ गोठ व्यापारमा आगजनी भए २ हजार ५ सय सहयोगको व्यवस्था छ । ज्येष्ठ नागरिकका लागि आँखा जाँचको व्यवस्था छ । हामीले सामाजिक उत्तरदायीत्व कामलाई प्राथामिकतामा राखेका छौँ । सदस्यको ज्ञान सीप, क्षमता विकासका लागि तालिम सञ्चालन गर्दै आएका छौँ । संस्थाको वित्तीय तथा गैरवित्तीय सेवाहरुलाई सुरक्षित पारदर्शी, प्रतिस्पर्धी बनाइ नविन प्रविधि प्रयोग गरी सहज रुपमा सेवा उपलब्ध गराइ उत्कृष्ट एवम् दिगो सहकारी स्थापित गर्ने संस्थाको लक्ष्य छ । राज्यको नीति सहकारी सुहाउँदो नभएकाले अलि समस्या रहेको छ । हामीले संस्थालाई समस्या आउन नदिन सबै शाखामा ३ सदस्यीय उपसमिति गठन गरेका छाँै । समितिको मासिक, त्रैमासिक बैठक बसि शाखाहरुको गतिविधि, समस्याका बारेमा मुल समितिलाई जानकारी गराउने गरिएको छ ।