नयाँ दिल्ली । लोकसभाको चुनावमा भारतीय जनता पार्टी भाजपा को कमजोर प्रदर्शनको जिम्मा लिँदै महाराष्ट्रका उपमुख्यमन्त्री देवेन्द्र फडणवीसले राजीनामा दिने भएका छन् । महाराष्ट्रमा कांग्रेसले सबैभन्दा बढी १३ सिट जितेको छ ।
कंग्रेसको सहयोगी दल शिवसेना ९यूबीटी०ले नौ सिट जितेको छ र भने राष्ट्रवादी कांग्रेस पार्टी एनसीपीएसपीले आठ सिट जितेको छ ।त्यहाँ भाजपाले ९ सिट मात्र जितेको छ । उसको सहयोगी शिवसेनाले सात सिट र एनसीपीले एक सिट जितेको छ ।
आफूले अब पार्टी सङ्गठनमा काम गर्न चाहेको भन्दै देवेन्द्र फडणवीसले आफूलाई उपमुख्यमन्त्री पदबाट मुक्त गर्न भनेका छन् । ‘महाविकास अघाडीले महाराष्ट्रमा २ करोड ५० लाख र हामीले २ करोड ४८ लाख मत प्राप्त गरेका छौं ’ तर सिट संख्यामा २ लाखको मतान्तरले ठूलो असर गरेको छु, उनको भनाइ छ ।‘महाविकास अघाडीले ३० सिट ल्याउँदा र हामीले १७ सिट मात्र पाएका छौं ’ उनले भने । नेताकोे रूपमा महाराष्ट्रमा भाजपाको सम्पूर्ण जिम्मेवारी आफूमाथि रहेको अनि महाराष्ट्रमा हामीले एक् तरिकाले हार बेहोरेकोले यसको पूरै जिम्मेवारी आफ्नो भएको फडणवीसको भनाइ छ । पूरै पार्टीलाई एक ठाउँमा ल्याएर नयाँ रणनीति बनाउने अनि सोही रणनीतिका साथ जनताको बीचमा जाने उनले बताएका छन् ।एजेन्सी