धनगढी– धनगढीमा मोटरसाइकल गाईसंग ठोक्किएर दुर्घटना हुँदा एक जनाको मृत्यु भएको छ भने एक जना घाइते भएका छन् ।
सोमबार राति अत्तरियाबाट धनगढीतर्फ आइरहेको सुपप्र ०१०११ प ३८१६ नम्बरको मोटरसाइकल ६ लेन सडकखण्ड अन्तर्गत राजपुरमा दुर्घटना हुँदा चालक धनगढी १३ का ३० वर्षीया गंगा बोगटीको मृत्यु भएको प्रहरीले जनाएको छ ।
सुदूरपश्चिम प्रदेश ट्राफिक प्रहरी कार्यालय अत्तरियाकाअनुसार दुर्घटनामा गम्भीर घाइते भएका बोगटीको उपचारका क्रममा माया मेट्रो अस्पतालमा मृत्यु भएको हो । उनकी श्रीमती ३४ वर्षीया सर्मिला राइ घाइते छन् ।
राइको माया मेट्रो अस्पतालमै उपचार भइरहेको छ । उनको अवस्था खतरामुक्त रहेको प्रहरीले जनाएको छ ।
