धनगढी- नेपाली काँग्रेसका संसदीय दलका नेता तथा पुर्व मुख्यमन्त्री कमलबहादुर शाहले प्रदेश सरकारले बजेट पुस्तिका सार्वजनिक नगर्नुले थुप्रै आशंका उत्पन्न गराएको बताएका छन् ।
सोमबार नेपाली काँग्रेस संस्दीय दलको कार्यालयमा आयोजित पत्रकार सम्मेलनमा बोल्दै उनले सुदूरपश्चिम प्रदेश सरकारले आगामी आर्थिक वर्ष २०८१÷०८२ का लागि बजेट सार्बजनिक गरेको १० दिन वितिसक्दा पनि बजेट पुस्तिका सार्बजनिक नगर्नु दुःखद भएको टिप्पणी गरे ।
उनले बजेट पुस्तिका सार्बजनिक नहुनुको कारण बिचौली हाबी भएर होकी भन्ने प्रश्न उठेको बताए । उनले गठबन्धन दलबीच भागबण्डा, अंशबण्डा नमिलेको हुन सक्ने बताउँदै प्रदेश सरकारले बजेट पास नहुने डरले उक्त पुस्तिका सार्बजनिक नगरेको दाबी गरे । प्रदेश सरकार इमान्दार छ भने आजभोली नै नै बजेट पुस्तिका सार्बजनिक गर्न उनले आग्रह गरे । उनले स्रोतको सनिश्चितता नहुँदा हचुवाको भरमा बजेटको आकार बढाएको बताए ।
पूर्व मुख्यमन्त्री शाहले मन्त्रालय मन्त्री विहीन अवस्थामा रहेको बताउँदै सत्ता सञ्चालनमा रहेका दलहरुका नेतृत्वले जनतालार्य जवाफ दिनुपर्ने बताए । उनले बर्तमान गठबन्धन सरकार निर्माण भएपछि कामकाज ठप्प भएको आरोप लगाए ।
