गोदावरी नगरपालिका १ स्थित होलिल्याण्ड सेकेण्डरी स्कुलको गुणस्तरीय शिक्षा लगाएतका बिषयमा स्कुलका संयोजक दुर्गा कुमार पोख्रेलको विचार प्रस्तुत गरेका छौ ।
कैलालीको गोदावरी नगरपालिका–१ स्थित होलील्याण्ड एकेडेमीको स्थापना २०५६ सालमा एउटा सानो कोठाबाट भएको हो । विस्तारै विस्तारै विद्यार्थी संख्या पनि बढ्दै गयो । गुणस्तर कायम पनि हुँदै गयो । विद्यार्थी खोज्न जानुपर्ने,विद्यार्थी नपाएर छटपटाउने स्थिति कहिल्यै भएन् । २०६८ सालबाट यहाँ प्लस टु सञ्चालन भएको हो । व्यवस्थापन संकाय थियो । २०७८ सालमा आएर हामीले होटेल मेनेजमेन्ट सुरु गर्यौँ ।
अहिले होटेल मेनेजमेन्ट राम्रै चलिरहेको छ । यो क्षेत्रमा होटेल मेनेजमेन्ट सुरु गर्ने होलिल्याण्ड नै पहिलो हो । होटेल मेनजमेन्ट अध्ययन गर्न आउने बिद्यार्थीका लागी यो बिद्यालय सहि गन्तब्य पनि भएको छ । त्यस्तै २०७९ मा हामीले फेसन डिजाइनिङ सुरु गर्यौँ । एकेडेमिक हिसावले फेसन डिजाइनिङ सुरु गर्ने हाम्रो स्कुल पहिलो हो ।
कक्षा ११ मा अहिले होटेल मेनेजमेन्ट र फेसन डिजाइनलाई प्राथमिकता दिएका छौँ । यहाँबाट टेक्निकल हिसावले राम्रै जनशक्ति उत्पादन भएको छ । यहाँ अध्ययन गरेका विद्यार्थी इन्जिनियरिङ,बैंकिङ क्षेत्रमा कार्यरत छन् । यो विद्यालयले भर्खरै आएको शैक्षिक सत्र २०८० को नतिजामा गोदावरी नगरपालिकामै दोस्रो स्थानमा ल्याएको छ । हामीले गुणस्तर कायम गरेकै कारण यो स्थानमा आएका हो ।
देशबाट ठूलो संख्यामा युवाहरु विदेशीरहेका छन् । सीप नभएका कारण गतिलो काम नपाउने अवस्था भएको छ । यहाँबाट हाम्रो यहाँ होटेल मेनेजमेन्ट,फेसन डिजाइनिङलगायतका विषय अध्यापन भइरहेको छ । सीप सिकेर विदेश नगएपनि यही पनि केही काम गरेर बस्न सकिने अवस्था हुन्छ । बेरोजगारी नहोस भनेर देशमा रोजगारीको अवसर सिर्जना होस भनेर हामीले प्राविधिक धारको पढाइ सञ्चालन गरेका हौँ ।
फेसन डिजाइनिङको पढाइ त भर्खरभर्खर सुरु गरेका हौँ । यहाँ होटेल मेनेजमेन्ट पढेका विद्यार्थीले चाहिँ अहिले विदेशमा पनि राम्रै काम पाइरहेका छन् । प्राविधिक धारको विषय पढ्दा काम पाउनलाई पनि कुर्नु नपर्ने भएकाले यो राम्रै हुन्छ ।
अहिले नर्सरी देखि प्लस टु सम्म १४ सयको हाराहारीमा विद्यार्थी अध्ययनरत छन् । भौतिक संरचनालाई पनि सुधार गर्दै लगेका छौँ । यो वर्षमात्रै ४ सय हाराहारीमा विद्यार्थी थपिएका छन् । यो भनेको शैक्षिक गुणस्तर सुधारले नै हो जस्तो लाग्छ । खेलकुद क्षेत्रमा पनि हामीले राम्रै गरेका छौँ । धनगढीमा भएका विभिन्न प्रतियोगितामा विजयी पनि भएका छौँ । क्रिकेटमा पनि राम्रै टिम छ । विद्यालयको सामाजिक उत्तरदायित्व हुन्छ भन्ने हिरावले विभिन्न क्रियाकलाप पनि गरिरहेका हुन्छौँ ।
टुरिज्म एण्ड ट्राभलको पढाइ पनि सञ्चालनमा छ । नेपाल प्राकृतिक हिसावले राम्रो भएकाले वर्षेनी लाखौँ पर्यटक भित्रिन्छन् । नेपाल पर्यटकीय सम्भावना बोकेको देश हो । यहाँ गाइडको अभावले,होटेल सम्बन्धि ज्ञान नभएकाले समस्या हुने गरेको छ । त्यसैले टुरिज्म एण्ड ट्राभल पनि सम्भावना छ । आफ्नो चाहना अनुसारको विषय पढ्ने हो तर टेक्निकल विषय पढ्दा रोजगारी नगरे पनि सीप छ भने व्यवसाय गरेर पनि बस्न सकिन्छ । देशको बेरोजगारी समस्या पनि समाधान हुने भएकाले विद्यार्थीलाई प्राविधिक शिक्षा पढ्न सुझाब दिन्छु ।