डिएमसी होटल म्यानेजमेन्ट कलेजले विद्यार्थीलाई रोजगारी सिर्जन गर्ने उदेश्यले आकर्षक सेवाका साथ अध्यापन शुरु गर्दै आएको छ ।
धनगढी उपमहानगरपालिका–४ रातोपुल स्थित निर्माण ब्यवसायको भवनसंगै जोडिएको सो कलेजले विद्यार्थीका लागि ३० भन्दा वढी  कम्युटर , स्मार्ट वोर्ड, एसियुक्त क्लास सहित ल्याबको सुविधाका साथै आफ्नै ब्याङ्केट र कन्फ्रेन्स हलबाट पढाइ शुरु गरेको डिएमसी कलेजको समग्र अवस्थाका विषयमा प्रवन्ध निर्देशक गोपाल धामीको विचार प्रस्तुत गरिएको छ ।

धनगढी कलेज अफ हस्पिटालिटी मेनेजमेन्ट कलेजले प्रयोगात्मक कक्षादेखि पढ्ने उचित वातावरण व्यवस्था गरेको छ । यहाँ पढाइका लागि एकदमै राम्रो वातावरण रहेको छ ।
प्रयोगात्मक कक्षाका लागि पाँच तारे होटल जस्तै बनाएर सुविधा दिएका छौँ । ल्याबहरु,कम्युटर ल्याव,कन्फ्रेन्स हल,ब्याङ्केट हलको सुविधा छ । होटलमा गएर भेटिने सबे कुरा विद्यार्थीले यही देख्न पाएका छन् ।

डिप्लोमा लेभलको होटेल मेनेजमेन्टमा ३५÷४० वटा कम्प्युटर भएको ल्याब यहाँका अन्य कलेजमा छैन् । हाम्रो यहाँ मात्रै हो । कन्फ्रेन्स हल,ब्याङ्केट हलको सुविधा पनि काठमाण्डौँ एउटा इन्स्टिच्युटमा मात्रै छ । यो सुविधा दिनेमा यहाँ हामी दोस्रो छौँ ।

हामीले ह्वाइट बोर्डबाट नभएर स्मार्ट बोर्डबाट पढाउने गरेका छौँ । हाम्रो चाहना भने विद्यार्थीलाई स्वरोजगार बनाउने हो । यहाँ सीप सिकेर आफ्नै देशमा केही गर्न सक्ने जनशक्ति उत्पादन गर्ने उदेश्य हो ।

यदी विदेश नै जानु छ भने पनि सीप सिकेर जानुहोस् भन्ने हो । हामीले यहाँ पढेका विद्यार्थीलाई पहिलो रोजाइ त नेपाल नै दिन्छौँ । उहाँहरुको रोजाइ विदेश छ भने प्रायः दुबई,कतार,कुवेत, बहराइन,हङकङ, भारत र नेपालका पाँच तारे होटलमा रोजगारी दिएका छौँ ।

यो देखेर पनि विद्यार्थीको आकर्षण बढेको देखिन्छ । पढ्दा पढ्दै बीचमा हुने ६ महिनाको आइटी प्रयोगात्मक कक्षाका लागि नेपाल र भारतका पाँच तारे होटलमा पठाउने गरेका छौँ ।

हाम्रो यहाँ यातायातको सुविधा पनि रहेको छ । अत्तरियाबाट आउने विद्यार्थीलाई यातायातको व्यवस्था गरेका छौँ । छात्रवृतिको सुविधा पनि राखेका छौँ । केही अगाडि मात्रै रुटिन अफ नेपाल बन्दले छात्रवृतिका लागि सहयोग गरेको छ । चारजना विद्यार्थीलाई छात्रवृतिमा पढाइ रहेका छौँ