धनगढी । कैलालीमा अपहरण गरी बन्धक बनाई कुटपिट गर्ने ३ जनालाई प्रहरीले पक्राउ गरेको छ । पक्राउ पर्नेमा जिल्ला कञ्चनपुर बेलौरी नगरपालिका ०५ घर भई हाल पढाईको सिलासिलमा धनगढी उप-महानगरपालिका १ सन्तोषी टोल बस्ने बर्ष १८ को अमित नेगी, जिल्ला डडेलधुरा अमरगढी नगरपालिका १ घर भई हाल पढाईकै सिलासिलमा धनगढी उप-महानगरपालिका १ सन्तोषी टोल बस्ने बर्ष १८ को बिशाल भट्ट र जिल्ला कैलाली गोदावरी नगरपालिका वडा १ अत्तिरिया बस्ने बर्ष २४ को भुपी खड्का रहेका छन ।
खडकाको कोठाबाट थान १ खुकुरी सहित फेलापारी बरामद गरेको र उनीहरुको मोबाईल चेकजाँच गर्दा पनि कुटपिट गरेको भिडियो भेटिएको आधारमा तीनै जनालाई आवश्यक कारवाही लागि यस कार्यालयको हिरासत राखि थप अनुसन्धान भईरहेको प्रहरीले जनाएको छ ।
जिल्ला बझाङ केदारस्यु गाउँपालिका वडा ०६ घर भई हाल पढाईको सिलसिलामा जिल्ला कैलाली धनगढी उप-महानगरपालिका वडा नं। ०४ तारानगर कोठा गरी बस्ने बर्ष १७ को योगेश धामी र जिल्ला बझाङ मष्टा गाउँपालिका वडा नं। ०६ घर भई हाल ऐ।ऐ। बस्ने बर्ष १७ को अशोक खड्काले मिति २०८१।०८।०९ गते हामीहरुकै कोठाबाट अपहरण गरी धनगढी उप-महानगरपालिका ४ तारानगर स्थित रहेको बाझो घरमा बन्धक बनाई ५ ट्याब्लेट ला.औ. समेत खुवाई खुकुरी समेत देखाई ३ जना मिलेर कुटपिट गरेको भनि आज वडा प्रहरी कार्यालय धनगढी कैलालीमा निवेदन दिएको वडा प्रहरी कार्यालय धनगढीले जनाएको छ ।
उजुरीको आधारमा वडा प्रहरी कार्यालय धनगढीबाट प्र.नि. योगेश खत्रीको कमाण्डमा खटिगएको प्रहरी टोलीले ३ जनाको खोजतलास गर्दै जाँदा आज धनगढीबाट उनीहरुलाई पक्राउ गरेको जनाएको छ ।
