धनगढी । कैलालीबाट अवैध लागूऔषधसहित ४ जना पक्राउ परेका छन ।
मंगलबार जिल्लाका विभिन्न स्थानबाट उनीहरुलाई प्रहरीले पक्राउ गरेको हो ।
प्रहरीका अनुसार गौरीगंगा नगरपालिका-४ बाट अवैध लागूऔषध खैरो हेरोइन जस्तो देखिने पदार्थ १० ग्राम ८०० मिलिग्राम सहित सोही ठाउँ बस्ने २५ वर्षीय सुरेन्द्रबहादुर धामी र गौरीगंगा नगरपालिका- १ लठैया बस्ने २१ वर्षीय सन्तोष रानामगर पक्राउ परेका छन ।
ईलाका प्रहरी कार्यालय मालाखेती र लागूऔषध व्यूरो धनगढीबाट संयुक्त खटिएको प्रहरी टोलीले दुबै जनालाई उक्त पदार्थ र नेपाली रुपैया ३७ हजार १५० सहित पक्राउ गरेको जनाएको छ ।
त्यस्तै,टीकापुर नगरपालिका-३ रामपुरबाट अवैध लागूऔषध खैरो हेरोइन जस्तो देखिने पदार्थ १ ग्राम १८० मिलिग्राम सहित सोही ठाउँ बस्ने २६ वर्षीय प्रशान्त चौधरी र १९ वर्षीय समिर चौधरीलाई पक्राउ गरेको जनाएको छ ।
