ऐश्वर्य बहुमुखी क्याम्पसमा एमविएस संचालन भएको ४ बर्ष भयो । सो अवधिमा क्याम्पसले सञ्चालन गरेको एमबिएस कार्यक्रमको अवस्था,विद्यार्थीको आकर्षण लगायत गुणस्तरीय शिक्षाका बिषयमा क्याम्पसका एमबिएस कार्यक्रम संयोजक लिलाधर सापकोटासँग निशाना न्युजले गरेको कुराकानी प्रस्तुत गरिएको छ ।

क्याम्पसमा एमबिएस कार्यक्रमको अवस्था कस्तो रहँदै आएको छ ?
यस क्याम्पसबाट एमविएस सञ्चालन गरेको चार वर्ष भयो । त्रिभूवन विश्वविद्यालय डिन कार्यालयले अहिले भर्ना CMAT फाराम खोलिसकेको छ । हाम्रो यस क्याम्पसमा एमबिएस कार्यक्रममा सुदूरपश्चिममै सबैभन्दा बढी विद्यार्थी भर्ना गर्न सफल भएका छौँ । बिबिएसमा पनि यहाँ ठूलो संख्यामा विद्यार्थी भर्ना हुन्छन ।
गत वर्ष एमबिएसको दोस्रो सेमिष्टरमा टियूकै सेकेन्ड टपमा परेको थियो । समग्र नतिजा हेर्ने हो भने यो क्याम्पस सुदूपश्चिममै सर्वोतकृष्ट र देशभरमै राम्रो नतिजा ल्याउन सफल भएको छ ।

यस क्याम्पसमा गुणस्तरीय शिक्षाको अवस्था कस्तो छ ?
एमबिएस अहिले चार सेमिष्टरको छ । सेमिष्टर प्रणालीमा आइसकेपछि विद्यार्थी कलेज पनि नियमित जानुपर्ने र बढी प्रयोगात्मक बनाउन वार्षिकबाट सेमिष्टरमा ल्याउन खोजिएको हो । यहाँबाट पास भएका विद्यार्थीहरु यहाँ पढ्दै गरेका धेरैजसो विद्यार्थीहरु पढ्दापढ्दै प्राइभेट,सरकारी बैंकहरुमा रोजगारी पाएका छन् । त्यसकारण हामीले गुणस्तर कायम गरिहेको अनुभूति भएको छ ।
रोजगारीको समस्या त देशभरी नै छ । तरपनि यहाँ पढेका अधिकांश विद्यार्थी रोजगारीमा छन् । यही पढेका विद्यार्थी यही पढाउन पनि थालेका छन् ।

यहाँ पढेका विद्यार्थी कुनै महत्वपूर्ण क्षेत्रमा लागेका छन् ?
हाम्रो यहाँबाट पढेर गएका केही विद्यार्थी वाणिज्य बैंक तिर पनि छन् । केही विद्यार्थीहरु नेपाल सरकरको स्वामित्वमा सञ्चालन भएका बैंकहरुमा छन् । केही विद्यार्थीले सुरक्षा फोर्सतिर पनि रोजगारी पाएका छन् । कुनैले कम्पनी हस्पिटलतिर लेखापाल भएर काम गरिरहेका छन् ।

अहिले यहाँ कति जना विद्यार्थी अध्ययनरत छन् ?
एमबिएसमा दुई सेक्सन भर्ना लिने गरेका छौँ । प्रत्यक वर्ष एक सय जनाभन्दा बढी भर्ना लिने गरेका छौँ । एक सयको हाम्रो लक्ष्य हो । त्यही अनुसारको हामीसँग भौतिक संरचना छ । हामीले लक्ष्यभन्दा बढी नै विद्यार्थी भर्ना गर्ने गरेका छौँ ।

क्याम्पसको थप उचाइमा पु¥याउने केही योजना छन् ?
त्रिभूवन विश्वविद्यालयबाट सम्बन्धन प्राप्त क्याम्पस हो । यो सामुदायिक क्याम्पस हो । बिबिए,एमबिए,बिएससी,सिएसआइटी,बिआइटी जस्ता बिषयहरु हामीले भविष्यमा निरन्तरता दिने योजना छ । त्यसमा क्याम्पसको क्राइट एरिया पनि पुग्छ ।

यस क्याम्पसप्रति विद्यार्थीको आकर्षण कस्तो छ ?
हाम्रो यो सामुदायिक क्याम्पस भएकाले अन्य क्याम्पसको तुलनामा थोरै शुल्कमा गुणस्तरीय शिक्षा पढ्न पाउँछौँ भनेर विद्यार्थीको आकर्षण बढ्दै गइरहेको छ । अन्य ठाउको भन्दा शुल्क कम लाग्ने कारणले क्याम्पसमा अध्ययन गर्ने बिधार्थीको आर्कषण बढेको छ ।

अन्त्यमा विद्यार्थी तथा अभिभावकहरुलाई यहाँको सन्देश के छ ?
त्रिभूवन विश्वविद्यालयबाट सम्बन्धन प्राप्त,क्वूएईबाट सर्टिफाइड क्याम्पस भएकोले यस सामुदायिक क्याम्पसमा चाही अहिले एमबिएसको CMAT फाराम खुलिसकेको विद्यार्थीहरुलाई फाराम भर्न अनुरोध गर्न चाहान्छु । फाराम अनलाईन पनि भर्न सकिन्छ । अनलाईन फाराम भर्दा समस्या आए क्याम्पस प्रशासनमा आएर सम्पर्क गर्न सकिने छ । सम्पूर्ण विद्यार्थीलाई यस क्याम्पसमा एमबिएस कार्यक्रममा स्वागत गर्न चाहान्छु ।

शिक्षाको गुणस्तर भनेको क्वुएई हो । जुन विश्वविद्यालय अनुदान आयोग द्वारा पाँच वर्ष एउटा चरण पूरा गरिसकेका छौँ । दोस्रो चरणको प्रकृया सुरु भइसकेको छ । जसका लागि SSR दर्ता गरिसकेका छौँ । हामीले सामाजिक विकास मन्त्रालयबाट नमूना क्याम्पसको रुपमा प्रमाणित भएर विभिन्न खालको सुविधा पाएका छौँ ।