सुनचाँदी व्यवसायी संघ कैलालीको २०७८ सालमा भएको निर्बाचनमा अत्यधिक बहुमतका साथ यदु सुनार अध्यक्षमा निर्बाचित भए । अहिले उनको कार्यकाल अन्तिम पनि हो । उनले यो अबधिमा सुनचाँदी ब्यवसायीको पक्षमा गरेका काम र व्यवसायीको अवस्था समस्या समाधानका बिषयमा निशाना न्युजका लागी अशोक ज्वालाले गरेको कुराकानी प्रस्तुत गरेका छौ  :

अहिले सुनचाँदी व्यवसायीको अवस्था कस्तो रहँदै गरेको छ ?
अहिले सुनचाँदी व्यवसायीको अवस्था भन्नु पर्दा पहिला नेपाल सरकारले थपेको कर १० प्रतिशत थियो । जसका कारण व्यवसायीलाई समस्या हुँदै आएको थियो । अहिले हाम्रो दवाबका कारण कर घटाएको छ । अहिले व्यापार गर्न सहज हुन्छ कि भन्ने कुरा लाग्दै आएको छ । नेपाल सुनचाँदी व्यवसायीको आपसी द्धन्द्वका कारण सिफारिसमा समस्या परेको छ । सुदुरपश्चिममा अहिले सुनको हाहाकार छ । पूरानो रिटन सामानहरु र आफुसँग भएको मौज्दात सामानबाट व्यवसाय गरेको अबस्था छ । जति सक्दो चाँडो महासंघले यो समस्या समाधान गरि छिटो सिफारिस खुलाई सम्पुर्ण व्यवसायीको बाताबरण वनाई दिन आग्रह गर्दछौ । हामी पनि आफ्नो ठाउँबाट लागेका छौ । महासंघ संग र राष्ट्र बैंकसँग पनि जुन पहिला १५ केजी सुन आउने गरेको थियो । अबका दिनमा २५ केजी सुन आउने वातावरण सृजन गर्न पनि आग्रह गर्दछु ।

तपाई अध्यक्ष निर्बाचित भई सकेपछि व्यवसायीले सामना गरेको समस्या समाधानका लागी केही काम गर्नु भएको छ ?
सुनचाँदीसँग आबद्ध व्यवसायीका साथीहरुलाई म निर्बाचित भएर आईसकेपछि सम्पुर्ण व्यवसायीका लागी एस एम एसको व्यवस्था गरेको छु । एस एम एस हुने बित्तिकै सुन सहजतापुर्बक पुर्ण रुपमा व्यबसाय गर्ने व्यवसायीलाई १० देखि ५० ग्राम जती चाहिन्छ एस एम एस भएपछि सुन बिक्री वितरण गर्ने सिस्टम व्यस्थित बनायौ । अझै पनि यस्लाई व्यवस्थित बनाएर अघि बढ्न लागेका छौ । अहिले हमीलाई महासंघले सौतेनी व्यबहार गरिरहेको छ । सुदुरपश्चिम हरेक क्षेत्रमा पछाडी परेको अवस्था सर्बविवितै छ । अझ त्यस्मा पनि सुन व्यवसायी पछाडी पर्दै गएको अवस्था छ । कैलाली जिल्लाले ४ केजी सुन मात्र पाउँने गरेको छ । सुदुरपश्चिम भरि ८ केजी सुन पाउछ जस्का कारण सुन व्यवसाय गर्नेलाई समस्या भईरहेको छ । कैलालीका २६० जना सुन व्यवसायीलाइृ ४ केजी सुनले अपुग हँुदै आएको छ । नेपाल सरकार र महासंघले सुदुरपश्चिममा सुनको कोटा बढाउनु पर्ने देखिन्छ । त्यस्का लागी हामीले पत्राचार पनि गरेका छौ । फेरि पनि गर्ने छौ । यी कुरा महासंघ सम्म पुगोस् भन्न पनि चाहान्छौ ।

सुनचाँदी व्यवासायीको लागी राज्यले हेर्ने दृष्टिकोण के रहेको छ ?
अहिले सुनचाँदी व्यवसायीमा अप्ठेरोको अवस्था छ । हामीले एक आना , दुईलाल सुन भौचर गरेर लिँदा पनि चोरीको आरोपको सामना गर्नु परेको छ । यस्ता समस्या समाधानका लागी जिल्ला प्रहरी कार्यालय र  प्रशासनसंग सहकार्यको कुरा पनि भयो, व्यापारको अवस्था व्यस्थताले सहकार्य हुन सकेको छैन । समस्या धेरै छन । राज्यले हेर्ने दृष्टिकोण सहि पनि छैन । हामी  प्रशासनलाई हेल्प डेस्कको निर्माण गरी सहज बनाईदिन पनि आग्रह गर्दछौ । राज्यलाई कर तिर्ने सबै भन्दा बढी सुन व्यवसायी नै हो । सुन व्यवसायीले सहज रुपमा व्यवसाय गर्न पाउनका लागी राज्यले सबै क्षेत्रमा सहज वातावरण वनाई दिन आग्रह गर्दछौ । सुनको सटेज हुन नदिन चोरी पैठारीलाई न्यूनिकरणका लागी हामी व्यवसायीसँग हातेमालो गर्दै अगाडी बढ्न पनि अनुरोध गर्दछौ ।
यो तपाईको अन्तिम कार्यकाल पनि हो, तपाईको कार्यकालमा के महत्वपुर्ण काम भए ?
सुन ब्यवसायीको हकहितमा थुप्रैका गरेका छौ । पहिले जति सुन आउँथ्यो, त्यो सुन पहुँचवाला २ देखि ४ जनाको खल्तीमा जाने अबस्था थियो । यस्को अन्त्य गरी सम्पुर्णलाई बराबर वितरण गर्ने वातावरण वनायौ । सुनचाँदी व्यवसायमा आवद्ध व्यवसायी सदस्यलाई समस्या पर्दा सहयोग, बिरामी हुँदा आर्थिक सहयोग र दुःख कष्टमा परेकालाई हरेक माधयमबाट सहयोग गर्दै आएका छौ । यो वातावरण मेरो कार्यकालमा भएको छ । आउने कार्य समितिलाई पनि हामी भन्दा राम्रो काम गर्न सुझाव पनि दिनेनै छौ । म जाँदाजाँदै एउटा काम गरेर जाने सोच बनाएको छुु । प्रशासनसंगको समन्वयमा  हेल्पडेस्क स्थापना गर्ने, यस्ले गर्दा सम्पूर्ण सुन व्यवसायीको हकहितमा काम हुन्छ र चोरी पैठारी न्युनिकरण भएर जाने हुन्छ ।
अन्तमा केही छ ?
सम्पुर्ण व्यवसायीलाई आफ्नो पेसा मर्यादित ढंगले चलाउन र तपाईको सुरक्षाका संगै समस्याका बारेमा हामी अहोरात्र खटेर लाग्ने छौ भन्न चाहन्छु ।