धनगढी- नवौं राष्ट्रिय खेलकुद प्रतियोगिताको ट्रफि टूर अन्तर्गत पहिलो दिन आज सूदूरपश्चिम प्रदेशमा राखिएको छ । गण्डकी प्रदेशमा हुने नवौं राष्ट्रिय खेलकुद प्रतियोगिताको लागि निर्माण गरिएको रनिङ्ग ट्रफि देशब्यापी भ्रमणको क्रममा आज शनिबार सूदूरपश्चिम प्रदेशको धनगढीमा पुर्याइएको हो ।

ट्रफि टूर अन्तर्गत सूदूरपश्चिम प्रदेश पहिलो गन्तब्य बनाइएको हो । ट्रफिलाई आज बिहान धनगढी रंगशालामा राखिएको थियो । ट्रफि टूर कार्यक्रममै नवौं राष्ट्रिय खेलकुद प्रतियोगिताको लागि सूदूरपश्चिम प्रदेशको खेलाडी छनोटको उद्घाटन समेत गरिएको थियो । कार्यक्रमको मुख्य अतिथिमा प्रदेशका मुख्यमन्त्री त्रिलोचन भट्ट,विशिष्ट अतिथिमा प्रदेशका सामाजिक विकासमन्त्री गोविन्दराज बोहरा र सभापति प्रदेश खेलकुद विकास समितिका सदस्यसचिव दीपकबहादुर सिंह रहेका थिए ।

ट्रफि प्रदर्शनीलाई सूदूरपश्चिम प्रदेशले भब्यरुपमा स्वागत गरेको छ । कार्यक्रममा विभिन्न पाटीका नेता,खेलसंघका पदाधिकारी र खेलाडीहरुको उपस्थिती रहेको थियो । ट्रफिलाई ओलम्पियन दीपक विष्ट,राष्ट्रिय तथा अन्तराष्ट्रिय खेलाडी संघका अध्यक्ष दीपक श्रेष्ठ,अल्ट्रा म्याराथन धाविका मिरा राई र राष्ट्रिय भलिब टोलिकी कप्तान अरुणा शाहीको टोलिले सूदूरपश्चिम प्रदेश पुर्याएका हुन् ।

ट्रफि टूर अन्तर्गत भोलि लुम्बिनी प्रदेशमा ट्रफिको प्रदर्शन गरिनेछ । नवौं को ट्रफिलाई सात प्रदेश,तीन विधागिय टोलि र आवश्यकता अनुरुप विभिन्न स्थानमा प्रदर्शनीम राखेर अन्तिममा गण्डकी प्रदेश पुर्याइनेछ कार्यक्रम रहेको छ । नवौं ट्रफि दश लाख रुपैयाँमा निर्माण गरिएको हो भने निर्माण गर्दा ५ किलो सुन र २ तोला सुनको प्रयोग गरिएको छ । ट्रफिलाई शुक्रबार प्रधानमन्त्री शेरबहादुर देउवाले सार्वजनिक गरेका थिए ।

ट्रफिको डिजाइन नेपाल ओलम्पिक कमिटीका महासचिव निलेन्द्रराज श्रेष्ठले गरेका हुन् भने श्याक तुलाधारुले बनाएका हुन् । गण्डकी प्रदेशमा असोज २८ गतेबाट शुरु हुने प्रतियोगितामा ७ प्रदेश, तीन विभागिय टोलि र गैर आवासिय नेपालीको टोली एनआरएनए स्पोर्टस् एकेडेमीको सहभागिता रहनेछ । प्रतियोगितामा ३६ वटा खेलको प्रतिस्पर्धा हुनेछ भने सबै खेलका खेलस्थलहरु समेत छिनोफानो लागिसकेको छ । प्रतियोगिता आयोजनाका लागि नेपाल सरकारले ६० करोड बजेट समेत निर्धारण गरेको छ ।