नेपाली कांग्रेश पार्टीलाई थप बलियो चलायमान बनाउन पार्टीले सय दिने अभियान थालनि गरेको छ । सो अभियानको प्रभाबकारिता , पार्टीको गतिबिधि लगाएतका बिषयमा नेपाली कांग्रेश पार्टीका महासमिति सदस्य हरिश खड्का संग निशाना न्युजले गरेको कुराकानी प्रस्तुत गरिएको छ ।
अहिले कांग्रेस पार्टीले के कस्ता गतिविधिहरु गरिरहेको छ ?
नेपाली कांग्रेसले आफ्नो संगठनलाई चुस्तदुरुस्त राख्दै वर्तमान राजनीतिक अवस्थामा बिपक्षीले जुन आक्षेप लाल्छना लगाइ राखेको,मिडियाबाजी भईरहेको अवस्थामा आफ्नो सम्पूर्ण कुरा जनताको बीचमा सत्यतथ्य ल्याउने र ती निराधार कुरालाई चिरफार गर्ने उदेश्यका साथ संगठनलाई अझ शसक्त,मजबुद,चलायमान गर्न टोलसम्म पुग्नको लागि सय दिने विशेष अभियानको थालनी गरेको छ । देशव्यापी रुपमा थालनी भएको हो । यो जिल्लामा पनि यसका गतिविधि सुचारु भएर हिजो समापन भएको छ । धनगढी उपमहानगरपालिका भित्र ती गतिविधिहरु सञ्चालनमा थिए ।
यो सय दिने अभियान के का लागि ?
यो शुद्धरुपले संगठनलाई अझ शसक्त,मजबुद बनाउने,कांग्रेसका प्रत्येक कार्यकर्तामा उर्जा दिने सय दिने अभियानको एउटा पक्ष छ । अर्को पक्ष नेपाली कांग्रेस र कांग्रेसका नेतामाथि विभिन्न किसिका मिडियाबाजी भइरहेको अवस्थामा,त्यो मिडियाबाजीको उदेश्य आशय नेपाली कांग्रेस विस्तारै कमजोर हुँदै गइरहेको छ भन्ने कुराको संकेत दिनको लागि भइरहेको थियो । तर त्यो होईन नेपाली कांग्रेस शसक्त र बलियो छ । ०८४ को निर्वाचनमा कांग्रेस आफ्नै खुट्टामा अभिएर एक्लै चुनावमा उत्रिने भनेर महासमितिबाट पनि पास भइसकेको अवस्थामा त्यसको तयारी स्वरुप पनि यो अभियान हो । गलत कुराको चिरफार गर्ने पनि यसको उदेश्य हो ।
त्यसो भए यो २०८४ को निर्वाचनको पूर्व तयारी हो ?
कांग्रेसले कहिले पनि निर्वाचनलाई मात्रै लक्षित गरेर काम गरेको छैन् । यसको प्रमुख उदेश्यभ भनेको देश र जनताको लागि सधै समर्पित भएर काम गर्ने हो । त्यसैको परिणाम स्वरुप धेरै ऐतिहासिक भूमिका निर्वाह गरेको छ । नेपाली कांग्रेसको आफूभित्रको सवलतालाई अझै बलियो बनाउनको लागि पनि यो अभियान हो । नेपाली कांग्रेसको संगठन आफैमा बलियो छ । निर्वाचनको सजिलै सामना गर्न सक्दछ । निर्वाचन पद्धतिलाई पनि संरक्षित गरेर लैजान सक्छ भन्ने कांग्रेसको सक्षमता प्रष्ट भएकै छ । त्यस कारण निर्वाचनलाई मात्रै नभएर आफैलाई अझ बलियो बनाएर लैजाने उदेश्यका साथ अगाडि बढेको हो ।
कांग्रेस भित्र गुट उपगुट भयो,नेतृत्वलाई नस्वीकार्ने अवस्था भयो भनेर सुनिन्छन् । खास के हो ?
गुट,उपगुट भनेको मान्छेको व्यक्तिगत सोचाइमा भर पर्ने कुरा हो । कसैलाई कसैको बोली मन पर्छ,कसैलाई कसैको व्यवहार मन पर्छ त्यो स्वभाविक प्रकृय हो । हिजोका दिनमा पनि थिए आज पनि छन् । यो सबै पार्टीमा छ । राजनीतिक मात्रै नभएर सामाजिक क्षेत्रमा पनि यी कुरा छन् । गुट,उपगुटले पार्टीलाई कमजोर गरिहाल्छ भन्ने कुरा छैन् । लोकतान्त्रिक पार्टीमा यस्ता कुराहरु देखिन्छन् । गुट विकृतिको रुपमा जानु हुँदैन् । पार्टीले निर्णय गरिसके पछि गुटबन्दीको भावनाबाट माथि उठेर पार्टीगत भावनामा समाहित हुन पर्दछ । गुट सामान्य कुरा हुन् त्यसले खासै प्रभाव पार्दैन् ।
तपाई धनगढी १३ को वडाबासी पनी यहाँ काग्रेशको अबस्था कस्तो छ ?
यो प्रतिष्पर्धाको युग हो । सरलता राजनीतिक,सामाजिक,व्यापारिक क्षेत्र होस् क्षमताको प्रदर्शन र प्रतिष्पर्धा निश्चित छ । यो धनगढी–१३ नम्बर वडामा पनि प्रतिष्पर्धा भइराखेकै छ । त्यो प्रतिष्पर्धा हुनु नै लोकतान्त्रिक प्रद्धतिको अभ्यास हो । वडामा कांग्रेसको संगठन हिजो भन्दा अझै राम्रो छ । अरु पार्टीबाट पनि आएर तपाइहरुसँगै हातेमालो गरेर समाजमा केही काम गछौँ भनेर कुराहरु आइराखेको अवस्था छ ।
संगठन अझ बढी मजबुद बनाउन पार्टीले के गर्दैछ ?
समाजमा अहिले जटिल अवस्था छ । जनजीवन कष्टकर छन् । आर्थिक मन्दीको अवस्था छ । साधारण जनजीवन धौधौको अवस्था छ । कोभिड पछि संसारमै मन्दीको अवस्था भएको छ । नेपालमा पनि त्यसको प्रभाव परेको छ । यो बेला कांग्रेसले जनताको घरदैलोमा गएर दुःख सुखका कुराहरुमा सहभागी हुने,पीरमर्का हेर्ने,त्यसमा सहयोग गर्ने,उनीहरुका बोल्न नसकेका मनोभावलाई बुझेर विभिन्न निकायमा आवज पु¥याइदिने,उनीहरुको पक्षबाट काम गरिदिने र बिकास निर्माणका गतिबिधि घनिभुत रुपमा अघि बढाउदै जाने हो भने त संगठन आफै बलियो हुन्छ । त्यस कारण हामीले जनताप्रति समर्पित भएर काम गर्नु पर्दछ । जनताको हित,चाहाना,जनताको भलाईका लागि काम गर्नु पर्छ । किसान मजदुरका समस्याहरुलाई सम्बोधन गर्दै जाने हो भने संगठन बलियो हुन्छ । त्यसमा सबै हामी साथीहरु लागीरहेका र्छौ ।
