धनगढी उप-महानगरपालिका वडा नं. १ को विकास निर्माण,नागरिकलाई दिने सेवा प्रवाह लगायत विविध बिषयमा वडा अध्यक्ष सन्तोष मुडभरीसंग गरिएको कुराकानीमा आधारित भनाइहरु प्रस्तुत गरिएको छ ।

हाम्रो वडामा विशेष गरि विकास निर्माणलाई फोकस गरेर काम भइरहेको छ । पूर्वाधार विकासतर्फ धेरै काम द्रुत गतिले अगाडि बढेको छ । म अहिले दोस्रो कार्याकालमा छु । यहाँ भन्दा अगाडि पनि नाली,बाटो धेरै विस्तार भएका छन् ।

संघ,प्रदेश र स्थानीय सरकारका योजनाहरु थिए । ठूला रणनैतिक योजनाका बाटाहरु संघ र प्रदेश सरकारको बजेटबाट निर्माणाधिन अवस्थामा छन् ।
वडा र नगरको बजेटबाट साना कामहरु पनि गरिरहेका छौँ । केही बाटाहरु,१५०–२०० मिटरसम्मका नालीहरु पनि निर्माण भइरहेका छन् । थोरै थोरै पिचका काम पनि भइरहेको छ ।

उपमहानगरपालिका भएपनि त्यही अनुसारको बजेट नभएकाले पूर्णरुपमा सबै किसिमका काममा ध्यान पनि दिन सकेका छैनौँ । स्रोत साधनको कमी छ । विकास निर्माण बाहेक मानवीय विकासतर्फ पनि सोच्नुपर्ने हुन्छ ।

रोजगारीको पनि समस्या छ । शिक्षा चाहिँ राम्रो छ । वडा नं. १ मा बस्ने करिब ९० प्रतिशत बालबालिका पढ्नु हुन्छ । केही भारत तिर बस्नेले चाहिँ के गर्नुहुन्छ । तालिम पनि दिने गरिएको छ ।

त्यसमा त्यति राम्रो उपलब्धी हुन सकेको छैन । किन भने गरिबीको रेखामुनिको जनसंख्या पनि छ । उहाँहरुलाई फोकस गरेर काम गरिसकेका छैनौँ ।
उपमहानगर स्पेशल तालिम दिने भनेर अहिले ठूलो प्रोजेक्ट नै सञ्चालन गरेको छ । वडा नं. १८ मा जग्गा पाएकाले उपमहानगरले त्यहाँ एउटा संस्था सँग सम्झौता गरेको छ । जहाँ नियमित तालिमका कार्यक्रम हुन्छन् । पहिलेको जस्तो तालिम छैन् ।

तालिम लिनेले के गर्छन् भन्ने अनुगमन पहिले हुँदैनथ्यो । अहिले त्यही तालिम लिने त्यतै बस्ने खाने व्यवस्था गरिएको छ । उहाँहरुलाई रोजगारका क्षेत्र खोजेर रोजगारीमा संलग्न गराइदिने,कसैले आफ्नै व्यवसाय गर्न चाहे उपमहानगरले सहयोग गर्ने कार्यक्रम हो ।

फुल फेजमा सुरुवात भएको छैन् । तालिम सञ्चालन भइरहेको छ । उपमहानगरले सल्लाह गरेर रोजगार मेला पनि लाग्दै छ । तुरुन्त तालिम लिएर तुरुन्त रोजगारी सिर्जना गर्न सकिने कार्यक्रम छ । फागुन महिनमै त्यसलाई पनि लञ्च गर्दैछौँ ।
पूर्वाधारतर्फ राम्रो छ । मानवीय विकासतर्फ केही कामहरु गर्नुपर्ने छ । कसैलाई उपचार गर्न गाह्रो हुने,कसैलाई शौचालय बनाउन,घरको छाना बनाउन गाह्रो अवस्था भएका पनि छन् । त्यसमा खासै ठोस् कार्यक्रम छैनन् ।

त्यस्तो मा संघसंस्थालाई सहयोग मागेर काम गरिरहेका छौँ । सानो सानो सहयोग हामीले पनि गरिरहेका छौँ । अहिले रुडुक सँगको सहकार्यमा सुरुमा उहाँहरुको लागत सहभागितामा शौचालय निर्माणको काम भइरहेको थियो ।

लागत सहयोगमा पनि अप्ठ्यारो हुने भएपछि पूर्णरुपमा रुडुकले नै निर्माण गरिदिने भनेर केही शौचालय नभएका घरमा शौचालय निर्माणको काम भइरहेको छ ।
समग्ररुपमा वडा नं. १ तथा धनगढी उपमहानरले विकासको क्षेत्रमा गति लिएको छ । मान्छेका विभिन्न आवश्यकता हुन्छन् त्यसतर्फ पनि ध्यान दिएर हामी अगाडि बढीरहेका छाँै । शिक्षा,स्वास्थ्य,महिला,दलित,अपांगता भएका व्यक्तिलगायतका अधिकारका कुराहरु पनि छन् । मान्छेका आवश्यकता धेरै छन् ।

धेरै कुरामा समान्य टच भएका छौँ र भौतिक विकासमा भने वडा नं. १ को स्थिति सन्तोषजनक छ ।
सेवा प्रवाहमा पनि हामीलाई जहाँसम्म राम्रै सेवा प्रवाह गरेजस्तो लाग्छ । छिटो छरितो राम्रै सेवा दिने र टोल विकास समिति,आमा समूहमा गएर कसैले जन्म दार्ता नगराएको भए गराउनुस्,विवाह दर्ता नगरेको भए गराउनस्,नागरिकता नबनाएको भए बनाउनुस भन्ने गरेका छौँ ।
टोल विकास समितिलाई सरसफाई,पञ्किरणका बारेमा अभिमुखिकरण तालिम पनि दिने गरेका छौँ । हामीले उत्कृष्ठ सेवा दिने प्रयास गरेका छौँ त्यस्तो गुनासो आउने गरेको छैन् ।