मदन राज रेग्मी
इतिहासका ती असंख्य वीर सहिदहरूलाई सम्झौं, जसले स्वतन्त्रता, समानता र जनताको अधिकारका लागि आफ्नो जीवन बलिदान गरे।
सुखानीको जंगलदेखि पुर्वको छिन्ताङ अनि सुदुरपश्चिमका पहाड सम्म, क्रान्तिका सपना बोक्ने भिमदत्त पन्त जस्ता हजारौं जनयोद्धाहरूलाई सामन्ती राजसत्ता र निरंकुशताले बर्बरतापूर्वक समाप्त पार्यो।
हजारौ क्रान्तिवीर अनि स्वतन्त्रता सेनानी हरुको अथक बलिदान र संघर्स ले तानाशाहीको अन्धकार चिरेर गणतन्त्रको उज्यालो ल्याइ छाड्यो। आज, यही गणतन्त्रले नै विरोधका स्वरहरूलाई पनि स्थान दिएको छ, जहाँ दुर्गा प्रसाईंहरू सडकमा अराजकता मच्चाएर गणतन्त्रको बिरोधमा प्रतिगमनको माग गर्दै हुल्लडता प्रदर्शन गर्न पाईरहेका छन्।
विडम्बना, उनीहरू जसले अधिनायकवादि सामन्ती राजतन्त्र माग्छन्, उनीहरूले गणतन्त्रको स्वच्छ हावामै यस्तो स्वतन्त्रताको श्वास फेर्न पाएका छन्।
यदि उनीहरूकै चाहना पूरा भइदिएको भए, उनीहरू स्वयं बोल्न पाउँथे या गुमनाम पारिन्थेरु इतिहासका कालो पानाहरू फर्काएर हेर्ने हो भने उत्तर स्पष्ट पाइन्छ।
गणतन्त्रले दिएको स्वतन्त्रताको दुरुपयोग गर्दै अराजकतामा होमिनु सहिदहरू प्रति गद्दारी हो। यो व्यवस्था आलोचना सहन्छ, बहसलाई स्थान दिन्छ, तर यसलाई ध्वस्त पार्ने सपना देख्नेहरूलाई इतिहासले कहिल्यै माफ गर्ने छैन।
गणतन्त्र को विकल्प मात्र गणतन्त्र हो—यो पछाडि फर्कने होइन,सच्चिने सुध्रने अनि अघि बढ्ने समय हो ।
हिजोका बलिदानहरूलाई सम्झौं, गणतन्त्रको रक्षा गरौं१ जनताको स्वतन्त्रता र अधिकारमाथि प्रहार गर्नेहरूसँग सतर्क रहौं, किनकि इतिहासले हामीलाई चेतावनी दिइसकेको छ—प्रतिगमन कहिल्यै समाधान होइन ।
