अलग पहिचानसहित उदाउँदै गरेको स्टेपिङस्टोन बोर्डिङ स्कुलको स्थापना २०४८ सालमा भएको हो । डेराबाट सुरु गरिएको स्कुल अहिले अत्याधुनिक सेवा सुविधासहित १५ सय विद्यार्थी अटाउने संरचना निर्माण गरिएको छ । विद्यालयले पर्वको दिन पनि विदा होइन,पर्व मनाउँदै पढाउँदै रमाउँदै अभियानमा जुटेको सो स्कुलको समग्र अवस्था लगायत विविध बिषयमा निशाना न्युजले विद्यालयका प्रिन्सिपल रामजी हमालसंग गरिएको कुराकानीमा आधारित भनाइ प्रस्तुत गरिएको छ ।
स्टेपिङस्टोन बोर्डिङ स्कुलको स्थापना २०४८ सालमा भएको हो । आज ३४ बर्ष पार गर्दै जाँदा विद्यालयको समग्र वातावरण कस्तो छ त भन्ने कुरा छ । २०५६ सालमा पहिलो एसएलसीको व्याच निकालियो ।

१८ जना सबै विद्यार्थीहरु प्रथम श्रेणीमा पास भए । त्यती बेला सुदूरपश्चिम मात्र नभइ अधिराज्यभर प्रथम श्रेणीमा उत्तीर्ण विद्यार्थी कम र तृतीय श्रेणीमा बढी उत्तीर्ण हुने गरेका थिए । त्यति खेर हाम्रो विद्यालयले सत प्रतिशत विद्यार्थी उत्तीर्ण गराउन सफल भएको उदाहरण छ ।

यो विद्यालय डेराबाट सुरु भएको थियो । अहिले हामीसंग १५ सय विद्यार्थी अटाउने संरचना छ । विद्यालय अत्याधुनिक हिसाबले सिगार्न सकेका छौँ । नयाँ प्रविधि जस्तै स्मार्ट बोर्डका कुरा, सबै कक्षाहरु डिजिटल लगायत सबै कुराले सुविधा सम्पन्न विद्यालयको रुपमा स्थापित गरेका छौँ ।

यो तराइको धनगढी जस्तो गर्मी हुने ठाउँमा हामीले गर्मीको व्यवस्थापन, जाडोको व्यवस्थापन गरेको छौँ । ४ दिन गर्मीमा छुट्टी, जाडोमा छुट्टी दिने गरिन्छ ।

तर हामीले छुट्टी दिदैनौँ । त्यस्लाई व्यवस्थापनका लागि वातावरण अनुकलित एसी जडान गरेको छौँ ।
गर्मीमा चिसो र जाडोमा न्यानो हुने वातावरण हामीले व्यवस्थापन गरेका छौँ । हाम्रो विद्यालयमा विद्यार्थीमुखी सिकाइ हुने गरेको छ । सिकाई व्यवहारमा लागु हुनुपर्छ भन्ने कुरा प्रथम श्रेणीमा राखेर हामीले काम गरेका छौँ।

हाम्रो सम्पूर्ण शिक्षक तालिम प्राप्त छन् । किन भने म आफै अंग्रेजी शिक्षक हुँ र एउटा प्रशिक्षक पनि हुँ । म आफै शिक्षकलाई तालिम दिने क्षमता पनि राख्दछु ।

अर्को कुरा देशका राम्रा दक्ष प्रशिक्षकहरुद्धारा हाम्रा शिक्षकले तालिम लिएका छन् । म के भन्न चाहान्छु भने अहिलेको विद्यार्थीलाई पढाउन धेरै चुनौति छ त्यो चुनौतिलाई हामीले स्वीकार्नु पनि पर्दछ ।

हाम्रा शिक्षकहरु दक्ष हुनुपर्छ । योग्य हुनुपर्छ त्यो हामी कहाँ छ । शैक्षिक वातावरणको कुरा गरिरहँदा विद्यार्थी घरबाट आउनु हुन्छ र विद्यालयकोे गेट प्रबेश गर्ने बित्तिकै बच्चाहरुलाई आहा भन्ने वातावरण हामीले सिर्जना गरेका छौँ।

अर्को कुरा विद्यार्थीलाई कत्तिको सुरक्षा छ त भन्ने कुरा पनि अभिभावकलाई लागेको हुन सक्छ । त्यो कुरा हामीले अभिभावकको चिन्तालाई मध्यनजर गरेर काम गरेका छौँ । शिक्षकको र गेटपालेको अनुमति विना विद्यार्थीहरु गेट बाहिर जान पाउदैनन् ।

पिउने पानी फिल्टर हुन्छ, चढ्ने सिढीदेखी कक्षाकोठा र बैठक कोठा एकदमै सुविधा सम्पन्न छन् । हामी अझै पनि विद्यार्थीहरुलाई के सहज हुन्छ त्यो मिलाउने कुराको गृहकार्य मै छौँ । अर्को चासोको कुरा गाइगुइ सुनिने गरेको छ राष्ट्रिय पर्वको वेला स्कुल संचालन हुन्छ बिदा हुँदैन भन्ने कुरा छ ।

हामी अभिभावक र सरोकारवालाहरुलाई के भन्न चाहान्छौँ भने पर्व भनेको बिदाको पर्यायवाची होइन ,पर्व मनाउनु पर्छ र संस्कृतिको जगेर्ना गर्नु पर्दछ । सुदूरपश्चिममा मनाउने पर्व सुदूरपूर्वका मानिसलाई जानकारी नहुन सक्छ पूर्वकाले मनाउने पर्व सुदूरपश्चिमकालाई जानकारी नहुन सक्छ त्यसैले पर्व मनाउनु पर्छ तर छुट्टी होइन ।

हामी स्कुल संचालन गरेर यी पर्वहरु स्कुलमै मनाउँछौँ । हाम्रा विधार्थीहरुलाई हामीले मनाउने पर्व जानकारी हुन्छ । पर्व मनाउँदै रमाउँदै पठन पाठनको कृयाकलाप हामी गर्दै आएका छौँ ।

म के भन्न चाहान्छु भने यो समय एक दमै महत्वपूर्ण छ खेर फाल्नु हुदैन । छुट्टीले वच्चाहरुमा पर्न जाने घाटालाई मध्यनजर गरी अभिभावकले पनि छुट्टी होईन यस्को चासोका साथ छलफलको बिषय हुनुपर्छ । रमाउँदै पढाउँदै हाम्रो अभियानमा सबैको साथ सहयोगको आवश्यक छ ।

परिवर्तन भनेको सबैको माग हो । म र मेरो विद्यालयका संचालक समिति,शिक्षकहरु सबै मिलेर शिक्षाको नयाँ खोजमा हामीहरु लागिरहेका हुन्छौँ । आउने दिनमा पनि नयाँ खोज, प्रविधिलाई अपनाउँदै शिक्षकलाई तालिम दिँदै जीवन उपायोगी शिक्षाका लागि लागिरहने छौँ।

हाम्रो स्कुल नेपालको सर्वोत्कृष्ट ११ विद्यालय मध्य ६ नम्बरमा पर्न सफल भएका छौँ। हामीसंग ४० वटा शौचालय, सुविधा सम्पन्न लाईब्रेरी, दुईवटा कम्प्युटर ल्याव छ्न । जस्मा ८० वटा कम्प्युटर हरु रहेका छन् ।

क्रिकेट खेलका लागि आफ्नै मैदान पनि रहेको छ । विद्यार्थीको दक्षता,क्षमतालाई अझै उचाइमा पुर्याउने उदेश्यले अतिरिक्त क्रियाकलाप पनि गर्ने गरेका छौँ भन्दै सबै अभिभावक, विद्यार्थी र सम्पूर्णलाई आउँदै गरेको नयाँ वर्ष २०८२ को अग्रिम शुभकामना व्यक्त गर्दछु ।