धनगढी– कैलाली क्षेत्र नम्बर ५ बाट प्रतिनिधिसभा सदस्यका आकांक्षी युवा नेता क्षितिज भण्डारीले घोषणापत्र सार्वजनिक गरेका छन् । प्रतिनिधिसभा सदस्यको उम्मेदवारका लागि जिल्लाबाट सिफारिस भएका नेता भण्डारीले शुक्रबार धनगढीमा पत्रकार सम्मेलन गर्दै आफ्नो २१ बुँदे चुनावी घोषणापत्र सार्वजनिक गरेका हुन् ।
उनले आफूले चुनाव जितेर गएमा संसदमा आवाज बुलंद गर्दै भ्रष्टाचार नियन्त्रणसहित रोजगारीको ग्यारेन्टी गर्ने, धनगढीलाई महानगरपालिका बनाउने, धनगढी विमानस्थल र गौरीफन्टा नाकालाई स्तरोन्नती गर्नका लागि पहल गर्दै धनगढीलाई अन्तर्राष्ट्रिय शहरको रुपमा विकास गर्ने, सेती प्रादेशिक अस्पताललाई अन्तर्राष्ट्रिय स्तरको अस्पताल बनाउनेलगायतका प्रतिबद्धताहरु सार्वजनिक गरेका छन् ।
चुनावी प्रचार–प्रसारलाई तीब्रता दिएका भण्डारीले पार्टीले आफूलाई टिकट दिने दाबीसमेत गरेका छन् । ‘जिल्लाबाट आरजु राणा र आफूसहित दुई जनाको मात्रै नाम सिफारिस भएको अवस्थामा आरजुको नाम समानुपातिकमा राखिएको छ,’ उनले भने, ‘अब म मात्रै बाँकी रहेकाले मैलेले टिकट पाउँछु । स्थानीय र यहाँको परिवेश बुझेको भएकाले टिकटका लागि म बलियो दाबेदार पनि हुँ ।’
उनले लोकतान्त्रिक आन्दोलनका क्रममा पटक–पटक जेल परेको र इमान र निष्ठाको राजनीति गरेकोले कांग्रेसले यसपटक आफूलाई न्याय गर्ने बताए । पार्टी सभापति शेरबहादुर देउवाको आग्रहमा अघिल्लो प्रतिनिधिसभाको चुनावमा उम्मेदवारी फिर्ता लिएको स्मरण गर्दै उनले यसपटक सो कुरा नदोहोरिने विश्वास व्यक्त गरे ।
यस्ताे छ घाेषणापत्र
