धनगढी । कैलालीको कैलारी गाउँपालिका वडा नम्बर–८ लोहरपुरमा भइरहेको निसर्ग हस्पिटल पाँचौं भजहर कप फुटबल प्रतियोगिताको सेमिफाइनल समीकरण पूरा भएको छ । थारुहरुको पर्व भजहरको अवसरमा हरेक वर्ष हुँदै आएको निसर्ग हस्पिटल पाँचौं भजहर कपको हालसम्म सम्पन्न भएका खेलहरुको निर्णयका आधारमा अन्तिम चारमा पुग्ने टीमहरुको टुङ्गो लागेको हो ।

समुह ए बाट भजनी नगरपालिका–५ स्तरीय क्लव र गौरीगंगा स्पोर्टस क्लब सेमिफाईनल पुगेका छन् । समुह बी बाट न्यू सुभित फेन्सी एण्ड श्रृंगार पसल उदासीपुर सेमिफाईनलमा पुगेका छन् । प्रतियोगितामा सहभागी १६ टीमलाई समुह ए र बी मा आठ आठ टीमहरु राखिएको थियो । नकआउट आधारमा भईरहेको प्रतियोगिताको फाईनल प्रवेशका लागि भजनी नगरपालिका वडा नम्बर ५ स्तरीय क्लव र गौरीगंगा स्पोर्टस क्लब तथा न्यू सुभित फेन्सी एण्ड श्रृंगार पसल उदासीपुर प्रतिस्पर्धा गर्नेछन् ।
प्रतियोगिताको विजेताले नगद एक लाख तथा उपविजेताले नगद ५० हजार सहित ट्रफी प्राप्त गर्नेछ । प्रत्येक खेलको म्यान अफ द म्याचले नगद एक हजार पाउँदा विभिन्न विधाका उत्कृष्ट खेलाडीलाई पनि पुरस्कार वितरण गरिने आयोजक श्री जनहित युवा क्लबका अध्यक्ष मणिराम चौधरीले जानकारी दिए ।