यही भदौं २३ र २४ गते जेनजी आन्दोलनका कारण अहिले नेपालको राजनीति उकुसमुकुसमा परेको छ । अहिले राजनीतिको भविष्य कुन मोडमा जाला भन्ने कुरामा राजनीतिक दलका नेता तथा कार्यकर्तामा अन्यौलता सिर्जना भएको छ । अब राजनीतिक दलको अवस्था के हुन्छ लगाएतका यावत बिषयमा नेकपा माओवादी केन्द्रका केन्द्रिय सदस्य एबं सुदूरपश्चिम प्रदेशसभा सदस्य रमेश सिह धामीसँग निशाना न्युजले गरेको कुराकानी प्रस्तुत गरिएको छ ।

आज भोली के गर्दै हुनुहुन्छ ?
ठिकै छ ,घुमघाममै समय बिताएको छु । व्यापारसंगै राजनीतिक क्षेत्रमा क्रियाशिल छु । बिहानै उठछु जनताको गुनासा, सुन्ने उठेका बिषयहरुमा प्रष्टीकरण गर्दै जाने गरेको छु । माओवादी पार्टीको अवको यात्राका बिषयमा उनीहरुसंग छलफल बहस गर्दै दिन विताई रहेको छु ।
यही भदौ २३ र २४ गतेको जेनजी विद्रोह पछि पार्टीलाई हेर्ने दृष्टिकोण केही फरक जस्तो छ नी ?
फरक होला नेकपा माओादी केन्द्र पार्टीमा जनताको हेर्ने दृष्टिकोण हिजोका दिनमा जे छ त्यो अहिले पनि यथावत छ । नेकपा माओवादी केन्द्रको केन्द्रिय कमिटी बैठक भर्खरै सम्पन्न भएको छ ।जेनजीले उठाएका बिषय र माओवादीले उठाउँदै आएका बिषयमा एकरुपता छ जेनजीले उठाएका मागलाई कार्यान्वयन गर्न पार्टी लाग्ने कुरा जोडदारका साथ उठ्यो र निर्णय पनि भएको छ । अहिले अन्तरिम सरकारलाई सहयोग गर्ने र तोकिएकै मितिमा चुनाव गराउन सरकारलाई सहयोग गर्ने कुरामा पनि निर्णय भएको छ । अन्य पार्टी जस्तो माओवादी होईन फरक धारबाट आएको पार्टी र प्रगतिशिल पार्टी भएका कारण अन्य पार्टी भन्दा माओवादी केन्द्रलाई हेर्ने दृष्टिकोण सकारात्मक नै रहेको छ ।

अहिले नेकपा माओवादी केन्द्रले केन्द्रिय कमिटीको बैठक सम्पन्न गरेको छ बैठकले के निष्कर्षमा निकाल्यो त ?
अहिलेको सरकारलाई सहयोग गर्ने तोकिएकै समयमा निर्वाचन गराउन सरकारलाई सहयोग गर्ने र जेनजीले उठाएका मागलाई कार्यान्यन गर्न गराउन सहयोग गर्ने कुरामा एक जुट भएर लाग्ने भन्ने छ । पार्टीको विशेष महाधिबेशन मंसिरमा गर्ने कुराको सन्देश दिएर वैंठक सम्पन्न भएको छ ।
अन्तमा केहीे भन्नु छ की ?
सबै राजनितिक दल एउटै होईन, माओवादी अली फरक पार्टी हो अहिले जति पनि विग्रियो त्यो शासकिय स्वरुपका कारणले बिग्रीएको हो प्रत्यक्ष निर्बाचित कार्यकारीले मात्र समस्या हल गर्छ । अहिले नेपालको परिवर्तनको भुमिका माओवादीले खेलेको हो । नेकपा माओबादी केन्द्रका संयोजक प्रचण्ड जहिले पनि प्रगतिशिल बिचार राख्नु हुन्छ, अग्रगामी हुनुहुन्छ,दुरदर्शी पनि हुनुहुन्छ । जनताले राखेका कुरा भन्दा अझै अगाडी हुनुन्छ भन्ने कुरा भन्न चाहान्छु ।