काठमाडौंँ । सिद्धार्थ बैंक नेपाल प्रिमियर लिगमा (एनपीएल)मा सुदूरपश्चिमले लगातार तेस्रो खेलमा जित निकालेको छ । सोमबार उसले कर्णाली याक्समाथि ४५ रनको सहज जित दर्ता गरेको हो ।
१४० रनको लक्ष्य पछ्याएको कर्णाली आज ४ बल बाँकी छँदै ९४ रन बनाएर अलआउट भयो । आजको खेलमा दीपेन्द्र सिंह ऐरी नायक बने । पूरा ओभर बलिङ गरेका अलराउन्डर ऐरीले आज चार विकेट लिन सफल भए ।
टस हारेर सुरुमा ब्याटिङ गरेको सुदूरले ९ विकेटको क्षतिमा कर्णालीलाई मात्र १४० रनको लक्ष्य दिएको थियो । उसका लागि ऐरीले नै सर्वाधिक ३९ रनको योगदान दिएका थिए भने आरिफ शेखले २७ रन जोडेका थिए ।
