कैलाली । सुदूरपश्चिम प्रदेशमा शिक्षाको पहुँच सबै ठाउँमा पुगे पनि गुणस्तरमा उलपब्धी हुन नसकेको सुदूरपश्चिम प्रदेशका सामाजिक विकास मन्त्रालयका सचिव डा. हेमराज रेग्मीले बताएका छन् ।
बुधबार धनगढीमा सिटीभिटी द्धारा आयोजित युवाहरुका लागि गुणस्तरिय प्रविधिक तथा व्यवसायिक शिक्षा तालिम (क्वालिटी) परियोजना कार्यशाला गोष्टीमा उनले यस्तो बताएका हुन् ।
कार्यक्रमका प्रमुख अतिथि रहेका उनले सुदूरपश्चिम साक्षर प्रदेश घोषणा भईसकेको बताउँदै शिक्षाको गुणस्तरमा जहिले पनि प्रश्न उठ्ने गरेको उल्लेख गरे । ‘यहाँ ४ हजार बढी विद्यालयहरु रहेका छन् । सय नीजि विद्यालय, तीन सय प्रविधिक विद्यालय र सय क्याम्पस रहेका छन्’, उनले भने ‘ती विद्यालयमा ८ लाख विद्यार्थीहरु अध्ययनरत रहेका छन् । तर, बजारको माग अनुसारको शिक्षा दिन सकेको अवस्था देखिदैन ।’
देश विकासका लागि स्वस्थ्य र सक्षम जनशक्ति आवश्यक रहेको उनले बताए । नयाँ शिक्षा नीति नबन्दा प्रदेश सरकार स–सक्त ढंगले अगाडि बढ्न नसकेको उनले बताए । संघीय सरकारको ऐनमा रहेर नै प्रदेशमा काम हुने गरेको उनले उल्लेख गरे । शिक्षाको गुणस्तर सुधारमा सबैको योगदान रहनुपर्ने उनले बताए ।
कार्यक्रममा कैलाली उद्योग वाणिज्य संघका अध्यक्ष पुस्करराज ओझाले यस प्रकारका कार्यक्रमहरुले विदेश पलायन हुने जनशक्तिलाई केहिहद सम्म भए पनि रोक्ने विश्वास गरे ।
सिटिईभिटिका निर्देशक प्रमोदभक्त आचार्यले (क्वालिटि) परियोजनाले देशका सात वटै प्रदेशमा रोजगारका कार्यक्रम सञ्चालन गर्नेगरि काम गरिरहेको बताए ।
युवाशक्तिलाई सिपयुक्त बनाउन तीन वटै सरकारले प्राथमिकता दिएको उनले बताए । शिक्षण संस्थाको गुणस्तर निर्धारण गर्ने (क्वालिटि) परियोजना २०२२ अगष्ट देखि २०२६ सम्म रहेको उनले जानकारी दिए ।
स्वीस सरकारको सहयोगमा प्राविधिक शिक्षाको क्षेत्रमा भएका कमीकमजोरीलाई सुधार गरेर युवाहरूलाई गुणस्तरीय प्राविधिक शिक्षाको पहुँचमा पु¥याउने उदेश्य रहेको उनले बताए ।
कार्यक्रममा (क्वालीटी) परियोजना सिटिईभिटिका निर्देशक आचार्य र परियोजनाका टीम लिडर भानु पण्डितले प्रशिक्षण दिईरहेका छन् । दुई दिनसम्म सञ्चालन हुने कार्यक्रम सुदूरपश्चिमका विभिन्न प्रविधिक विद्यालय अध्ययपन गराईरहेका शिक्षक, कर्मचारी र व्यवसायीहरुको सहभागिता रहेको छ ।
