धनगढी । कैलालीमा मतदान जारी रहेको छ । प्रतिनिधिसभा निर्वाचनका लागी मतदान गर्न जिल्लाभरका मतदान केन्द्रमा बिहानैदेखि मतदाताको उपस्थिति उत्साहजनक देखिएको छ।
कतिपय केन्द्रमा मतदाताहरू लाइनमा बसेर पालो कुरिरहेका छन् भने मतदान प्रक्रिया शान्तिपूर्ण र व्यवस्थित रूपमा सञ्चालन भइरहेको जिल्ला निर्वाचन कार्यालयले जनाएको छ।
कैलाली जिल्लामा कुल ५ लाख ५१ हजार ५२ जना मतदाता रहेका छन्। तीमध्ये पुरुष, महिला तथा अन्य लिङ्गका मतदाताहरू आ–आफ्ना मतदान केन्द्रमा पुगेर मतदान गरिरहेका छन्। सुरक्षाका दृष्टिले मतदान केन्द्रहरूमा नेपाल प्रहरी, सशस्त्र प्रहरी र म्यादी प्रहरी परिचालन गरिएको छ। कुनै अप्रिय घटना नभएको र हालसम्मको अवस्था सामान्य रहेको सुरक्षा निकायले जनाएको छ।
