धनगढी । धनगढीमा रहेको चैतन्य पाठशालाले आफ्नो २५ औँ रजत जयन्ती मनाउने भएको छ । फागुन २९ गते अर्थात भोली शुक्रबार देखि पाठशालाले रजत जयन्ती समारोह अभिभाक दिवस तथा वार्षिकोत्सव मनाउने भएको हो । पाठशालका अध्यक्ष गणेशप्रसाद जोशीले शुक्रबार धनगढीको
वनदेवी मन्दिर परिसरबाट बन्देवी मन्दिर परिसरबाट पाठशाला परिसरसम्म तथा फागुन ३० गते गुरुद्वारा चोकबाट विद्यालय परिसरसम्म प्रभातफेरी निकालिने छ ।
शिक्षा र संस्कारको संगम, वेद र विज्ञानको संयोजन तथा प्रकृति र संस्कृतिको सम्मान गर्ने शैक्षिक दर्शनलाई आत्मसात गर्दै चैतन्य पाठशालाले स्थापनाकालदेखि नै गुणस्तरीय शिक्षा प्रदान गर्दै आएको छ ।
पत्रकार सम्मेलनमा सुदूरपश्चिम लोक सांस्कृतिक समाजको पन्चेबाजा, मगर समुदायको पन्चेबाजा, थारु संस्कृति प्रस्तुति, राना होली, अखण्ड सेवा समाजको होली, खप्तड क्षेत्रका लोकसंस्कृति संरक्षण समूहको भुवा प्रस्तुति लगायत विभिन्न सांस्कृतिक कार्यक्रम प्रस्तुत गरिनेछन् ।
विद्यार्थी केन्द्रित कार्यक्रम अन्तर्गत विज्ञान प्रदर्शनी तथा स्टिम परियोजना प्रदर्शनी, सिर्जनात्मक अभिव्यक्ति तथा चित्रकला प्रदर्शनी, बहुआयामिक सांस्कृतिक तथा प्रतिभा प्रस्तुति र प्रतिभा सम्मान कार्यक्रम पनि आयोजना गरिनेछ ।
अभिभावकका लागि आदर्श अभिभावक सम्मान, अभिभावक शुभभाव मन्तव्य तथा अभिभावक रमाइलो खेल कार्यक्रम आयोजना गरिनेछन् । त्यस्तै शिक्षक तथा कर्मचारीका लागि आदर्श शिक्षक तथा कर्मचारी सम्मान, उत्कृष्ट शिक्षक तथा कर्मचारी सम्मान तथा विभिन्न प्रस्तुति कार्यक्रम राखिएको पाठशालाले जनाएको छ ।
सामाजिक सेवा तथा शैक्षिक सहयोग अन्तर्गत कैलाली बहुमुखी क्याम्पसलाई स्मार्ट बोर्ड हस्तान्तरण, धनगढी आसपासका सामुदायिक विद्यालयलाई कम्प्युटर सहयोग, सुदूरपश्चिमका ग्रामीण क्षेत्रका हजार विद्यार्थीलाई एसईईक तयारीका लागि निःशुल्क ब्रिज कोर्स तथा छात्रवृत्ति प्रदान गरिने कार्यक्रम पनि समावेश गरिएको छ ।
यसका साथै धनगढी आसपासका मानवसेवा लक्षित संस्थालाई सहयोग, सामुदायिक विद्यालयमा अध्ययनरत ६ हजार विद्यार्थीलाई उपयोगी पुस्तक वितरण तथा आर्थिक रूपमा विपन्न युवालाई लोकसेवा तयारी कक्षामा अवसर प्रदान गर्ने कार्यक्रमसमेत रहेको विद्यालयले जनाएको छ ।
विद्यालयले पूर्व सञ्चालक, पूर्व शिक्षक–कर्मचारी, पूर्व विद्यार्थी, पूर्व पिटिए अध्यक्ष तथा व्यवस्थापन समिति सदस्यहरूलाई सम्मान गर्ने कार्यक्रम समेत राखेको छ ।
