धनगढी । कैलाली र कञ्चनपुरबाट प्रहरीले अवैध लागूऔषधसहित दुई जनालाई पक्राउ गरेको छ ।
सोमबार कैलालीको धनगढी उपमहानगरपालिका-७ बेली हनुमान मन्दिर स्थितबाट अवैध लागूऔषध ब्राउनसुगर जस्तो देखिने पदार्थ २ सय २० मिलिग्राम र नगद रु. ४ हजार ६७५ सहित सोही ठाउँ बस्ने ३० वर्षीय रमेश रानालाई पक्राउ गरेको प्रहरीले जनाएको छ ।
त्यस्तै,कञ्चनपुरको भीमदत्त नगरपालिका-४ उद्योग बाणिज्य संघ नजिक स्थितबाट अवैध लागूऔषध ब्राउनसुगर जस्तो देखिने धुलो पदार्थ ८२ मिलिग्राम सहित बैतडीको दोगडाकेदार गाउँपालिका-५ घर भई हाल भीमदत्त नगरपालिका-१८ कोठा गरी बस्ने २० वर्षीय अशोक बिष्टलाई पक्राउ गरेको प्रहरीले जनाएको छ ।
