धनगढी । विजयादशमीका दिन नगरवासीलाई टीका लगाउन आवतजावतमा सहज होस् भन्ने उद्देश्यले धनगढी उपमहानगरपालिकाले नगर प्रहरीमार्फत चार वटा जिप र मोटरसाइकल सञ्चालन गर्ने भएको छ।
धनगढी उपमहानगरपालिकाका प्रमुख गोपाल हमालले गत वर्षझैँ यस वर्ष पनि दसैँको टीकाका दिन अर्थात् २०८३ कात्तिक ४ गते नगरवासीलाई आवतजावतमा सहजीकरण गर्न नगर प्रहरीका सवारीसाधन सञ्चालन गरिने जानकारी दिएका छन्।
उपमहानगरपालिकाका अनुसार नगर क्षेत्रभित्र आवतजावत गर्न आवश्यक पर्ने नगरवासीले ०९१–५९०६९० मा सम्पर्क गरी सेवा लिन सक्नेछन्।
त्यसैगरी, चटकपुर, सहिद गेट, चौराह र क्याम्पस रोडबाट पनि नगर प्रहरीले उपलब्ध गराउने सेवा प्रयोग गर्न सकिनेछ।
उपमहानगरपालिकाले दसैँको टीका लगाउन जाने नगरवासीलाई यो सेवा उपयोग गरी आवतजावत सहज बनाउन अनुरोध गरेको छ।
