काठमाडौं– पाकिस्तानका पूर्वप्रधानमन्त्री इमरान खानकी पूर्वपत्नी रेहम खानले तेस्रो विवाह गरेकी छन् । रेहम खानले सामाजिक सञ्जालमार्फत आफ्नो विवाहको घोषणा गरेकी हुन् ।
उनले ट्वीटरमा ‘जस्ट म्यारिड’ लेख्दै श्रीमानको हात समातेको तस्विर सेयर गरेकी छिन् । विवाह शुक्रबार भएको बताइएको छ । रेहम खान पाकिस्तानी बेलायती पत्रकार हुन् र यसअघि उनको विवाह इमरान खानसँग भएको थियो जुन लामो समय टिक्न सकेन ।
रेहम खानका नयाँ पतिको नाम मिर्जा बिलाल बेग हो । रेहम खानको पहिलो विवाह पाकिस्तानी मनोवैज्ञानिक एजाज रहमानसँग भएको थियो । सन् २००५ मा पहिलो पटक सम्बन्धविच्छेद गरेपछि रेहम खानले सन् २०१४ मा पाकिस्तानका पूर्व प्रधानमन्त्री इमरान खानसँग विवाह गरिन् ।
यो विवाह पनि लामो समय टिक्न सकेन र सन् २०१५ मा दुवैको सम्बन्धविच्छेद भयो । यो असफल विवाहपछि पनि रेहम खानले पाकिस्तानी युट्युब कार्यक्रममा आफू तेस्रो विवाह गर्न तयार रहेको बताएकी थिइन् ।
रेहम खानका पति मिर्जा बिलाल बेग पनि पत्रकार हुन् । शोमा जब रेहम खानलाई उनको विवाहको योजनाको बारेमा सोध्दा उनी आफ्नो प्रेमको खोजी गर्न र एकपटक पुनः विवाह गर्न तयार भएको बताएकी थिइन् ।
रेहम खान धेरैजसो इमरान खानलाई हमला गर्ने गर्छिन् । रेहम खानले अमेरिकामा आमा–बुवाको उपस्थितीमा विवाह गरेको बताइन्छ । रेहम खानका पिता बिलाल बेग पनि एक पत्रकार हुन् र एक च्यानलमा काम गर्छन् ।
रेहम खानले यो विवाह यस्तो समयमा गरिन् जब उनका पूर्व श्रीमान् इमरान खान सेक्स अडियो लिक भएका कारण विवादमा छन् । इमरान खानका तीन अडियो लिक भएका छन् । यसमा उनी अश्लील कुरा गरिरहेका छन् ।
