धनगढी– नेपाली कांग्रेस सुदूरपश्चिम संसदीय दलका नवनिर्वाचित नेता कमल शाहले काँग्रेसको नेतृत्वमा प्रदेश सरकार गठनका लागि पहल गर्ने बताएका छन् ।
दलको नेता घोषित भएपछि पत्रकारसंग कुरा गर्दै नेता शाहले अब कांग्रेसले सरकार गठनका लागि सबै दलसँग छलफल अगाडि बढाइने बताए ।
‘प्रदेशको सबैभन्दा ठूलो दल भएका नाताले काङ्ग्रेसले सरकार गठनका लागि पहल गर्छ,’ उनले भने, ‘सहमति गरेर जुनसुकै दलसँग मिलेर पनि काङ्ग्रेसले सरकार बनाउँछ ।’
उनले केन्द्रमा भएको सत्ता साझेदारीले प्रदेशमा कुनै फरक नपर्ने र सहमतिमा सरकार बनाउनका लागि सबै दलसँग वार्ता गर्न ढोका खुला रहेको बताए ।
