धनगढी- सुदूरपश्चिमका मुख्यमन्त्री कमलबहादुर शाहलाई विश्वासको मत दिन नेकपा माओवादी केन्द्रका अध्यक्ष एवम् प्रधानमन्त्री पुष्पकमल दाहाल ‘प्रचण्ड’ले विश्वासको मत दिन निर्देशन दिएका छन् ।
सुदूरपश्चिममा पार्टी संसदीय दलले यथास्थितिमा विश्वासको मत दिन नसकिने निर्णय गरेको बेला प्रधानमन्त्री प्रचण्डले यस्तो निर्देशन दिएको पार्टी स्रोतले जनाएको हो । संसदीय दलको शनिवार बसेको बैठकले नेतृत्वसहित शक्ति बाँडफाँटको सहमति प्याकेजमै हुनुपर्ने निष्कर्ष निकालेको थियो ।

प्रचण्डको निर्देशनपछि नेतृत्व र मन्त्रालय बाँडफाँटको विषय छलफल अगाडि बढेको छ । निष्कर्षमा पुग्न कांग्रेस र माओवादी संसदीय दलको बैठक डाएिको छ । माओवादी केन्द्रले प्रदेश सरकारको नेतृत्व आलोपालो गर्न पाउनुपर्ने माग राख्दै आएको छ । मुख्यमन्त्री शाहले आज दिउँसो १ बजे विश्वासको मत लिँदै छन् ।