धनगढी- नेकपा माओवादी केन्द्रले सुदूरपश्चिमका मुख्यमन्त्री कमलबहादुर शाहलाई विश्वासको मत दिने निर्णय गरेको छ । आइतबार बसेको सुदूरपश्चिम संसदीय दलको बैठकले मुख्यमन्त्री शाहलाई विश्वासको मत दिने निर्णय गरेको हो ।
बैठकले मुख्यमन्त्री रावललाई विश्वासको मत दिने निर्णय गरेको संसदीय दलका उपनेता अक्कल रावलले पुष्टि गरे । उनले पावर सेयरिङका विषयमा भने पार्टीको केन्द्रिय कार्यालय र मुख्यमन्त्रीलाई लिखित सहमतिका लागि आह्वान गरिएको बताए ।
माओवादी केन्द्रले पनि शाहलाई विश्वासको मत दिएमा उनी मुख्यमन्त्री पदमा सुरक्षित रहने छन् । नागरिक उन्मुक्ति र नेकपा एसले पनि मुख्यमन्त्रीलाई समर्थन गर्ने जनाइसकेका छन् । प्रदेशसभामा सबैभन्दा ठूलो दल नेपाली कांग्रेसका १९, नेकपा माओबादी केन्द्रका १०, नागरिक उन्मुक्तिका ७, एक्रीकृत समाजबादीका ४ र १ स्वतन्त्रले मत दिए मुख्यमन्त्री शाहले ४१ सदस्यको मत प्राप्त गर्नेछन् ।
