काठमाण्डौं- उपराष्ट्रपति चुनावको मतगणना सुरु भएको छ । मतगणना नयाँ बानेश्वरमा रहेको संसद् भवनको ल्होत्से कक्षामा सुरु भएको निर्वाचन अधिकृतको कार्यालयले जनाएको छ ।
मतगणनापछि आजै उपराष्ट्रपति चुनावको प्रमाणपत्र प्रदान गरिने तयारी छ । आज बिहान १० बजेदेखि सुरु भएको मतदान दिउँसो ३ बजे सकिएको थियो । मतदानमा तीन सय ११ सङ्घीय सांसद र पाँच सय १८ प्रदेश सभा सदस्यले मतदान गरेका छन् ।
नयाँ उपराष्ट्रपतिका लागि जनता समाजवादी पार्टीका रामसहायप्रसाद यादव, नेकपा एमालेकी अष्टलक्ष्मी शाक्य ९बोहरा० र जनमत पार्टीका ममता झा उम्मेदवार छन् ।
