टिकटकले याँ मापदण्ड लागू गरेको छ । टिकटकमा अपलोड गरिने सामग्री तथा प्रयोगकर्ताहरुका लागि नयाँ मापदण्डको घोषणा गरिएको हो । चिनियाँ स्वामित्वको लोकप्रिय भिडियो शेयरिङ एप टिकटकमाथि त्यसका सामग्रीका अलावा गोपनीयता समेत उल्लंघन गर्ने गरेको आरोप लागेको थियो ।

प्रयोगकर्ताको गोपनीयता जोखिममा रहेको कारण देखाउँदै विभिन्न पश्चिमा मुलुकहरुले टिकटकमाथि प्रतिबन्धको घोषणा गरिरहेका छन् । यसकारण टिकटकले नयाँ मापदण्ड लागू गरेको हो ।

डाटाको दुरुपयोगसम्बन्धी विवाद तथा गोपनीयताको खतरालाई लिएर टिकटकले पछिल्ला दिनमा पश्चिमी अधिकारीहरुको दबाबको सामना गर्नु परिरहेको छ ।

प्रतिबन्धको सिलसिला अगाडि बढेसँगै टिकटकले नयाँ नियमहरु जारी गरेको छ । जसमा कन्टेन्ट मोडरेसन का लागि विभिन्न ८ वटा सिद्धान्त तय गरिएको छ । जुन सिद्धान्तहरु मानव अधिकारलाई कायम राख्ने टिकटकको प्रतिबद्धतामा आधारित रहेको टिकटकको प्रडक्ट नीति विभागकी प्रमुख जूली डे भ्यालिएनकोर्ट बताएकी छन् । उनका अनुसार मापदण्ड तथा निर्देशिका आगामी अप्रिल २१ देखि लागू हुनेछ ।

के के छन् नयाँ मापदण्ड ?
अब प्रयोगकर्तालाई टिकटकमा राखिने सामाग्री अर्थात् कन्टेन्टको बारेमा जानकारी दिइनेछ । त्यसमा डिपफेकमाथि प्रतिबन्ध लगाइएको जानकारी समेत रहनेछ ।
सर्वसाधारणको डिपफेक बनाउनचाहिँ प्रतिबन्ध लागेको छ ।
टिकटकले घृणाजन्य अभिव्यक्तिको नियन्त्रणमा पनि कडाइ गरेको छ ।
राजनीतिक पार्टी तथा सरकारको टिकटक अकाउन्टको सुरक्षाका साथै चुनावका बेला फैलिन सक्ने अफवाह तथा गलत सूचनाको नियन्त्रणका लागि समेत विशेष नियम बनाएको छ ।
जसमा नियम उल्लंघन गर्ने सामग्रीलाई हटाइदिने,
वयस्कहरुले मात्र हेर्न मिल्ने सामग्रीहरू तय गर्ने,
आम प्रयोगकर्तासम्म पुग्न उपयुक्त नरहेको सामग्र ‘फोर युवर फिड’ मा देखिनका लागि अयोग्य बनाउने ।
प्रयोगकर्तालाई सूचना साधन तथा श्रोतको माध्यमबाट समुदायलाई सशक्तीकरण गर्ने रहेका छन् ।