काठमाडौँ- नेकपा (एकीकृत समाजवादी) ले नेता मुकुन्द न्यौपानेलाई सात दिने स्पष्टीकरण सोधेको छ । मंगलबार बसेको एकीकृत समाजवादीको केन्द्रीय सचिवालय बैठकले न्यौपानेलाई सात दिने स्पष्टीकरण सोधेको हो ।
न्यौपानेले विगत केही समयदेखि लगातार कार्यकर्ता भड्काउने गरी सामाजिक संजालमा स्ट्याटस लेखेको निष्कर्षसहित पार्टीले स्पष्टीकरण सोधेको हो । यद्यपि उक्त पार्टीले सो निर्णय भने गोप्य राखेको छ ।
तर नेता न्यौपानेले पार्टीले स्पष्टीकरण सोधे तापनि सोको जवाफ नदिने र आफूलाई कुनै फरक नपर्ने बताएका छन् । नेता न्यौपानेले एमालेसहितको पार्टी एकतामा जोड दिँदै आएपनि पार्टीले एमालेबाहेकको एकता भनेर निर्णय गरेपछि न्यौपानेले असहमति प्रकट गरेका थिए ।
एकीकृत समाजवादीले पार्टीका उपाध्यक्ष केदार न्यौपानेले पार्टी परित्याग गरेका छन् । आजको सचिवालय बैठकले उपाध्यक्ष न्यौपानेसहित स्थायी कमिटी सदस्य चुणामणि जंगलीले दिएको राजीनामा स्वीकृत गरेको प्रवक्ता जगन्नाथ खतिवडाले बताए ।
