भारतको महाराष्ट्रमा बस दुर्घटना हुँदा २५ जनाको मृत्यु भएको छ । मुम्बई-नागपुर एक्सप्रेसमा गुडिरहेको बस शनिवार बिहान दुर्घटनाग्रस्त बनेको हो ।
दुर्घटनामा २५ जनाको मृत्यु भएको बीबीसी हिन्दीले जनाएको छ । बसमा ३३ यात्रु सवार थिए । बाँकी केही गम्भीर घाइते छन् भने केहीले झ्यालबाट हाम फालेर ज्यान जोगाएको समाचारमा उल्लेख छ । मृतकको संख्या अझै बढ्न सक्ने भारतीय सञ्चार माध्यमहरूले जनाएका छन् ।
गुडिरहेकै बेला टायर पड्किएपछि बस एक खम्बामा ठोकिएको थियो । ठक्करको क्रममा डिजेल ट्याङ्की फुटेर आगो लागेको थियो ।महाराष्ट्रका मुख्यमन्त्री एकनाथ अभियानले दुर्घटनामा ज्यान गुमाउनेका परिवारजनलाई पाँच-पाँच लाख रुपैयाँ आर्थिक सहायता दिने घोषणा गरेका छन् ।
