धनगढी- घोडाघोडी क्रिकेट एकेडेमी कैलालीको धनगढीमा जारी लिटल फ्लावर प्रिमियर लिग (एलपिएल) मा को समुह ‘सी’ बाट सेमीफाइनल प्रवेश गरेको छ । फाप्ला क्रिकेट मैदानमा आइतबार सम्पन्न पहिलो खेलमा घोडाघोडीले गरुडा नगरपालिकालाई ६ विकेटले पराजित गरेको हो । घोडाघोडीले समूह चरणको तीन वटै खेलमा जित निकाल्यो । गरुडासहित आयोजक लिटल फ्लावर स्कुल र सुदूर पश्चीमाञ्चाल एकेडेमी पहिलो चरणबाट बाहिरिए छन्।
गरुडाले प्रस्तुत गरेको १ सय २९ रनको लक्ष्य घोडाघोडीले १७.५ ओभरमा चार विकेट गुमाउँदै भेट्टायो । घोडाघोडीका लागि विपिनविक्रम शाहीले ३९ बलमा ६ चौका र तीन छक्काको मद्दतले सर्वाधिक ५५ रनको योगदान गरे । यसैगरी टेक रावतले २५ रन, कृष कार्कीले अविजित १५ तथा निशान्त बूढायरले अविजित १० रन बनाए।
पहिलो विकेटका लागि विपिन र टेकले ९३ रनको साझेदारी गरे । गरुडाका लागि डब्लु मलिकले तीन तथा नितेश यादवले एक विकेट लिए।त्ययसअघि टस जितेर रोजेको गरुडा नगरपालिकाले निर्धारित २० ओभरमा सबै विकेट गुमाउँदै १ सय २८ रनको योगफल तयार पारेको थियो ।गरुडाका लागि डब्लु मलिकले ३५, सोभेन्द्र पासवानले २३, नितेश यादवले १९ तथा सैलेन्द्र कुशवाहाले १७ रन बनाए।
घोडाघोडीका लासग भुपेश जोशीले चार ओभरमा १३ रन खर्चिदै पाँच विकेट लिए । यसैगरी संजय बोहरा, अशोक धामी र नरेश सुनारले समान एक विकेट लिए। सत्यवती एकेडेमी र लिटल एन्जल्स स्कुलबीचको आजको दोश्रो खेलमा भने लिटल एन्जल्स अनुपस्थित रह्यो। समुह ‘डी’ मा अन्तर्गतको उम्त खेलमा विपक्षी अनुपस्थित भएपछि सत्यवतीलाई विजेता घोषणा गरियो ।
