धनगढी । प्रेस चौतारी नेपालको २६ औं स्थापना दिवसको अवसरमा मैत्रीपूर्ण फुटसल प्रतियोगिता तथा चियापान कार्यक्रम आयोजना गरिएको छ ।

प्रेस चौतारी नेपाल कैलालीले स्थापना दिवसको अबसर पारेर आज धनगढीमा सो कार्यक्रम आयोजना गरेको हो । मैत्रीपैर्ण फुटसल कार्यक्रमको उद्घाट नेकपा एमालेका संसदीय दलका नेता रोजेन्द्र रावलले गरेका थिए ।

मैत्रीपूर्ण फुटसल प्रतियोगितामा प्रेस चौतारी नेपाल कैलालीले जितेको छ । नेकपा एमाले कैलालीलाई हराउदै प्रेस चौतारीले जितेको हो ।
प्रेस चौतारी कैलालीले नेकपा एमाले पार्टीलाई १ अंकले जितेको प्रेस चौतारी नेपाल कैलालीका सचिव जनक बिष्टले जानकारी दिए ।
पहिलो खेलमा प्रेस चौतारी नेपाल प्रदेश कमिटीलाई १ अंकले हराउदै नेकपा एमाले कैलालीले जित हासिल गरेको थियो भने दोस्रो खेलमा भने प्रेस चौतारी कैलालीले नेकपा एमाले कैलालीलाई हराउदै पहिलो बनेको उनले बताए ।

प्रेस चौतारी नेपालका प्रदेश महासचिव शिबराज भट्टले सबै भन्दा बढि गोल हानेका थिए । उनले ४ गोल प्रहार गरी उत्कृष्ट भएका छन् । त्यस्तै प्रेस चौतारी नेपालका नेता दिलबहादुर छत्यालले दुई गोल हान्दै आप्mनो टिमलाई जिताउन सफल भएका थिए ।