धनगढी- अन्तरलिङ्गी व्यक्तिका मुद्धाका विषयमा अभिमुखिकरण कार्यक्रम सम्पन्न भएको छ । एकता नेपालको सहकार्यमा क्याम्पेन फर चेन्जको आयोजनाका आज धनगढीमा मिडिया अभिमुखिकरण कार्यक्रम सम्पन्न भएको हो ।
कार्यक्रम मा क्याम्पेन फर चेन्जका कार्यकारी निर्देशक ईशान रेग्मीले अन्तरलिङ्गी व्यक्तिको अवस्थाका बारेमा प्रस्तुतिकरण राखेका थिए । उनले अन्तरलिङ्गी व्यक्तिहरुले समाजमा हरेक किसिमका विभेद भोग्नु परेको बताए । उनले भने, अन्तरलिङ्गीले सामाजिक विभेद भोग्नु परेको छ । साथै उनीहरुका अभिभावकले समेत विभेद भोग्नु परेको छ ।
शारीरीक विविधता भएका अन्तरलिङ्गहरु आश्यक स्वास्थ्य सेवा,शिक्षालगायतका सेवा बाट पनि बञ्चित हुन परेको उनले बताए । अन्तरलिङ्गीको हक अधिकारका लागि सरकारले ध्यान दिनु पर्ने उनको भनाइ थियो । ५८ जनामा १ जना अन्तरलिङ्गी भएको तथ्यांक प्रस्तुत गर्दै अन्तरलिङ्गी गर्भावस्थाको जाँच,जन्मने बेला,किशोराअस्थामा पत्ता लाग्ने बताए । एकिन तथ्यांक नभएपनि १.७ प्रतिशत व्यक्तिहरु अन्तरलिङ्गी भएको बताए । कार्यक्रममा विभिन्न सञ्चार माध्यमका सञ्चारकर्मीको उपस्थिति रहेको थियो ।
