कैलाली- कैलालीको धनगढी उपमहानगरपालिका–३,बोराडाँडीस्थित त्रिभुवन माध्यमिक विद्यालयको खेलमैदान पानीले भरिँदा विद्यार्थी र शिक्षकलाई सकस हुन थालेको छ ।
बर्षातको समय या पानी परेको अन्य समय खेलमैदान भरिँदा विद्यार्थीलाई खेलकुदका लागि र शिक्षकले विद्यार्थीलाई कक्षा कोठामा पढाउन जान सकस हुँदै आएको हो ।
स्कुलको खेलमैदान हरेक बर्षातमा पानीले भरिँदा विद्यार्थी र शिक्षकलाई हिडडुल गर्न र अन्य कृयाकलाप गर्न निकै सास्ती खेप्नु परेको प्राचार्य सीताराम अवस्थीले निशाना न्युजलाई जानकारी दिए ।
‘हामीले सुदूरपश्चिम प्रदेशको भौतिक पूर्वाधार विकास मन्त्रालयलाई भरानका लागि कुरा गरेका हौँ’, उनले भने ‘१० लाख भन्दा मुनिको रकम स्थानीय तहलाई दिने गरेको र त्यस्का लागि वडा वा उपमहानगरपालिकालाई भन्नुहोस् भनेर मन्त्रालयले भन्यो ।’
उपमहानगरपालिका र वडा लाई आग्रह गर्दा टेन्डर आह्वान मार्फत ६ लाख १९ हजार बरावरको भरान भएको उनले वताए । उनले भने ‘काम गरेको हो प्रतिफलवाला काम कत्तिको भयो हामीलाई जानकारी छैन । स्कुलले आफ्नै निगरानीमा काम गरेको भए मापदण्ड सवै कुरा थाहा हने थियो तर अन्य मार्फत काम गराउँदा स्कुललाई यो विषयमा कुनै जानकारी भएन् ।’
स्कुलसँग कामको बिषयमा कुनै छलफल नभएको उनले वताए । उनीहरुले आफू खुशि काम गरेको र सो सम्वन्धी स्कुललाई कुनै जानकारी नभएको उनको भनाइ छ । वडा नम्वर ३ का वडाध्यक्ष राजबहादुर ऐरले सामाजिक विकास मन्त्रालयले ६ लाख १९ हजारको बजेट भरानको लागि छुट्याइ दिएको बताए । उनले भने ‘धनगढी उपमहानगरपालिकाले २ पटक बोलपत्र आह्वान गर्दा कसैको टेण्डर परेन दर रेट न्युन थियो ।’ वडाको प्राविधिक टोलीले नाप जाँच गरि सकेपछि बजेट फ्रिज हुन नदिन ३ वटा फर्म हाल्न लगाइ ठेकेदार जनक भण्डारीले काम गरेको उनले वताए ।
काम मापदण्ड अनुसार नै गरेको बताउँदै अध्यक्ष ऐरले भने काम पूरा गर्न मैदानमा थप १० लाख बढी बजेट आवश्यक हुन्छ । ठेकेदार जनक भण्डारीले ६ सय २२ घनमिटर हाल्नु पर्ने थियो १२० टिप्पर माटो भरान गरेको वताए । मापदण्ड अनुसार भन्दा बढी ९६० घनमिटर माटो भरान गरिदिएको उनको दाबी छ । सुरुमा ५ लाख मात्र बजेट छुट्याइएको र पछि काम गर्दै जाँदा थप २ लाख १९ हजार उपमहानगरपालिकाले भुक्तानी दिएको उनले बताए । काम गर्न निकै अप्ठ्यारो र घाटामा काम गर्नु परेको उनले बताए । ‘त्यती थारै बजेटले मैदानमा केही काम नभएको जस्तो छ’, अझै मैदान भरानमा ३५० टिप्पर माटो आवश्यक हुन्छ ।’
